رواية صعيدية كاملة بقلم نورهان لبيب
أختى لسه معاه وممكن يأذيها
ثروت بأبتسامه ومين قال ان ندى لسه معاه
أصيبت فرح بالدهشه وكادت ان تتحدث ولكن فتح الباب ودخل منه جسد ضئيل الحجم يركض اتجاهها
فرح بأمتنان أنا بجد مش عارفة أشكركم إزاى أنتوا رجعتوا الأمان لحياتى من تانى أنا بجد مش عارفة
أقول ليكم إيه على إللى أنتوا عملتوه ليا ده
صالح بحنان ما تقوليش حاجة يا فرحة إللى إحنا عملناه ده ما يوفيش حاجه من جمايل ابوكى علينا
المرحوم ساعدنا كتير فى حياته ولما جه الوقت اللى
نرد بيه ولو جزء بسيط من جمايله علينا إحنا متأخرناش ابوكى ما كنش مجرد صديق لينا لا ده كان ونعم الاخ
ثروت وعلى العموم إحنا هنفضل فى ضهرك على
طول يا بنتى ولو عوزتى حاجة أنا موجدين ديمآ
فرح شكرا ليكم بجد أنتوا حسستونى ان بابا لسه عايش
صالح بتذكر اه صح أنتى هتيجى انتى وندى تقعدى عندى عقبال ما نأمنك كويس عشان أكيد شريف مش هيسيبك
فرح ماشى ياعمى إللى تشوفه
أتى اتصال لثروت حيث تم إبلاغه بأنه تم تسجيل الأملاك قنونيا بأسم فرح الصاوى ومن الان تستطيع
التحكم بها ومباشرة أعمال الشركة كما تريد
ثروت بفرحه مبروك يا فرح الأملاك كلها اتسجلت بأسمم يعنى من النهارده أنتى تقدرى تباشرى كل
الأعمال
سعد الجميع بهذا الخبر فأخيرا قد عادت أملاك فرح بعد خسارتها لها بأربع سنوات فهل بدأت نهاية شريف ام ان شريف سيكون له رد فعل على ذلك
بعد مرور ثلاث أيام على اختفاء مريم
كان جاسر يجلس فى مكتبه بشرود ويبدوا عليه الهم
فقد بحث عن مريم فى كل مكان يعرفه ولا يعرفه ولم يجدها ظلت الوساوس والكوابيس تأكله من الداخل فهو لا يعرف ما أصابها وقد تغير حاله مع
غياب
مريم فلم يعد يهتم بمظهره وحاله كما كان
سابقا فهو لم يعد جاسر الصياد كما كان سابقا
دخلت السكرتيرة وأفاقته من شروده
السكرتيرة جاسر
بيه جاسر بيه
جاسر إيه نعم فيه إيه
السكرتيرة فى اتنين بره باين عليهم صعايدة واحد فيهم إسمه الحاج مهران ومعاه إبنه منصور
جاسر بسرعة خليهم يدخلوا فورا وفى أى وقت يجوا تدخليهم فورا
السكرتيرة أمرك يا فندم
دخل الحاج مهران ومعه إبنه منصور وكان يقف جاسر للترحيب بهم واستقبالهم
جاسر أهلا يا جدى أهلا يا عمى اتفضلوا
الحاج مهران بتسأول ياترى لقيت مريم يا ولدى ولا لساتك عم بدور عليها
جاسر بتنهيده اه يا جدى لسه بدور عليها وملقتهاش
الحاج مهران ريح نفسك ومتدورش عليها عشان مش هتلاقيها
جاسر بتسأول يعنى إيه مش هلاقيها يا جدى أنت بتقول إيه
الحاج مهران بصرامه قولتلك ماهتلاقيهاش زى ما عطيتها ليك وانت ما حفظتش عليها رجعت تانى وخدتها منك
جاسر پصدمه يعنى مريم طول الوقت ده معاك وانت سايبنى كده على اعصابي خاېف عليها
الحاج مهران أيوه أنى إللى خدتها إيه فكرك ما أقدرش أعملها على العموم يا ولدى على العموم
إحنا كنا جاين نسلم عليك ونشوف كيف حالك
نهض الحاج مهران وأخرج من جيبه ظرفان ورماهم على المكتب الخاص ب جاسر وقال له
الحاج مهران واحد من الاظرف دى كنت عارف إللى جواه من قبل ما تتجوز مريم بس كنت محتاج دليل
والتانى مريم بعتاه ليك ما تفتحهمش غير لما نخرج
كاد ان يتحرك ولكنه عاد من جديد لكى يرمى حديثه الأخير ويرحل
الحاج مهران بسخريه أيوه ما دورش عليها عشان هى دلوقتى طارت على بلاد بره مع أبوها وعمك أظن أبوك حكالك وجد شكرا ليك على أنك كنت
السبب فى رجوع نظرها يلا يا منصور خلينا نلحق
الطياره
خرج الاثنان وظل جاسر يفكر فى كلامهم وبداخله أحاسيس مخطلته خوف من أن لا يجد مريم وان
يكون قد فقدها للأبد وفرحه وسرور فقد عاد بصرها
من جد وأصبحت القطه ذات العين الرمادية ترى من
جديد وحيره فماذا يوجد داخل هذه الاظرف ولكنه فتح الأول وكان مجموعة أوراق ملكية تبيع بها مريم
رواية صعيدية رائعة للكاتبة نورهان لبيب الجز الرابع
من الحلقة 13 الى الحلقة 16
الحلقة 13
ترك المكتب متوجه لخارج الشركة وقبل ان يخرج نظر إلى مكتب
شريف نظره تنم على طفان وڠضب عارم سوف يقضى على كل شئ
توجه جاسر إلى الخارج حتى يذهب إلى قصره ركب جاسر السياره وأمر السائق بالتحرك وخلفه سيارات
الحرس وما هى إلا دقائق حتى وصل إلى القصر فتح
له الحارس ودخل إلى الحديقة نزل من السيارة ودخل
إلى القصر فوجد نجاة فى انتظاره
نجاة بأبتسامةحمدلله على السلامه يا جاسر بيه تحب احضرك الغدا النهارده
جاسر بحدة مش عايز اطفح غورى من وشى يلا
تحركت نجاة وتوجهت للمطبخ پخوف بينما صعد جاسر إلى الأعلى لكى يرى كاميليا دخل الغرفة فوجدها تتفحص أحد المجلات الخاصة بالموضه
كاميليا جيت بدرى النهارده يا حبيبى اممم على العموم كويس إنك جيت اصل كنت
عايزه
شوية فلوس عشان أحضر عرض أزياء فى شرم الشيخ وكمان أجيب الكولكشن الجديده بتاعت الصيف
جاسر پحده إيه أنتى مش بتشبعى أبدا كل شوية عايزه فلوس فلوس كل شوية إيه يا شيخه أنتى
مش بتشبعى أبدا ارحمينى بقى شوية
كاميليا وهى تمثل الحزن ولكن على من فقد انكشف وجهها أمام جاسر وصبح يعرف العيبها جيدآ
كاميليا كل ده يا جاسر عشان طلبت منك شوية فلوس خلاص يا حبيبي مش عايزه لو كان ده هيزعلك بس ممكن أعرف إيه إللى مغير حالك كده ومخليك عصبى مش كفاية الفترة إللى فاتت دى
مش معايا أنت وحشتنى أوى
نهض جاسر
من على الاريكة وهو يتنفس بقوه
جاسر بهدوء مريب مفيش بس النهارده قريت خبر فى الجريده عن واحد اعرفه عصبنى شوية
كاميليا بتسأولخبر إيه ده إللى يخليك تتعصب بالشكل ده أنا مش فاهمه
جاسر ثم توجه ناحية حقيبة الأوراق وأخرج منها مجموعة شيكات وتوجه ناحية
كاميليا يمسكها من شعرها بقسۏة جعلتها تتأوه
كاميليا بشحوب ح حاضر حاضر همضى
أخذت كاميليا الدفتر ومضت على أول شيك وكادت ان تعطيه الدفتر فتحدث جاسر
جاسر بأمرأمضى عليه كله يلا قدامك عشرين شيك أمضى عليهم كلهم
مسكت كاميليا القلم بيد مرتجفه توقع الشيكات
ولكن من يعلم هل تستطيع ان تضعف قوته وتجعله يخضع لها مره
أخرى ولكن
بمجرد ان أنتهت حتى سحبها من شعرها ومشى
بها ناحية الباب وتحدث
إلى سعاد
جاسر سعاد بصى من النهارده كاميليا هتشتغل خدامه فى البيت هنا كل شغل
البيت تقوم بيه اه وكمان تاخدى منها التليفون وأى وسيلة
إتصال بالعالم الخارجى و الاكل هتعمليه أنتى عشان ما أضمنش ممكن
تعمل إيه هى ما عدتش ست البيت البيت ده ليه هانم واحده وهى مريم هانم الصياد مفهوم
سعاد بشماتهأمرك يا جاسر بيه
كاد جاسر ان يتحرك ولكن تحدثت كاميليا بترجى
كاميليا جاسر أرجوك ما تسبنيش هنا
أنا بعتذر ليك عن كل خطأ عملته بس ما تسبنيش هنا
جاسر بسخريةإللى أنتى عملتيه
ما يتحلش بأعتذار ده يتحل پالدم فأحسن ليكى إنك تتجنبينى اه صحيح أنتى طالق بالتلاته يا كوكى
تحرك جاسر وغادر
نجاة جاسر بيه لو سمحت أستنىألتفت جاسر بيه لها فأكملت حديثها ذى ما حضرتك عارف أنا هنا
مديرة المنزل وما ينفعش تدى مهامى لحد تانى أقل
منى فى الوظيفة
جاسر بسخريةمديرة المنزل طب تعالى ورايا يا مديرة المنزل
تحركت نجاة خلف جاسر حتى وصل إلى باب القصر الداخلى
ونادى على رئيس الحرس
جاسر رأفت يا رأفت
حضر رأفت بمجرد ان سمع سيده
رأفت تأمر بحاجة يا جاسر بيه يا جاسر بيه
جاسر خد الاستاذه نجاة وروقها انت والرجاله على
الآخر مش عايز ها تشتكى من حاجة أنت فاهمنى أصلها مديرة المنزل يا سيدى يلا يا نجاة روحى معاه
أخذ رأفت نجاة من يدها بقسۏة لكى ينفذ أوامر جاسر حيث أمر رجاله بضړب نجاة
للغاية فهو سينتقم من الجميع ل مريم ولنفسه
أيضآ من الجميع ولكن فل ينتظروا
عند شريف
كان يقف فى منطقة مقطوعة تحديدا طريق الإسكندرية الصحراوى ومعه بعض الرجال الخاصة بالحراسة كأنه ينتظر شخص ما حتى وصلت مجموعة سيارات آخرى وقفت السيارات ونزل منها
الحرس يفتح أحدهم الباب لرب عملهم فنزل منها
رجل فى نهاية الخمسينات من عمره يرتدى ملابس
كلاسيكيه فرغم كونه من الصعيد إلا أنه لم يمت للصعيد ولا حتى لقيمه وأخلاقه نزل توفيق من السياره فتوجه له شريف
شريف ازيك يا باشا عامل إيه ليك وحشة والله
توفيق فى إيه يا شريف ايه إللى مخاليك طالبنى فى الوقت ده
شريف كنت عايز اى وسيلة تطلعنى بره مصر صالح الصياد خلاص خد منى كل حاجة لا وكمان
طردنى من الشركة بتاعة فكلم أى حد من الكبار
يطلعنى بره البلد
توفيق وأنت عايز تطلع بره البلد عشن خسړت فلوسك وصالح طردك ولا فيه حاجه تانيه
شريف اممم بص أنا هقولك لأن مش قدامى غير الحل ده جاسر صحبى
وأنا دلوقتى ضعيف وبقيت فلوسى فى سويسرا ده
غير أن أنا دلوقتى ضعيف مش هقدر اوجهه
توفيق بعد إللى أنت قولته ده عن الورق إللى سلمه صالح عنك إنك بقيت ورقه محروقه لينا يا شريف
بس أنا هساعدك وهتوسط ليك عندهم وده هيبقى ليه مقابل طبعا
شريف وهو يبتلع ريقه وإيه هو المقابل ده يا باشا
توفيق بأب إنك تدينى نص الفلوس إللى معاك واللى أنت مسافر عشانها
شريف بقلق مش كتير ده
يا باشا
توفيق بهدوءلا مش كتير اولا هتنال حريتك إللى ممكن تفقدها فى أى وقت ثانيا بقى هتبقى جنب فلوسك ولو عايز تسافر أنا ممكن اسفرك دلوقتى وحالا
شريف بشحوب أنتوا عرفتوا إزاى
توفيق إحنا نعرف عنك كل حاجة بتحصل فى حياتك حتى دبة النمله يا شريف عشان كده الورق إللى هتطلع بيه جاهز معايا
شريف بعد تفكيروأنا موافق يا توفيق بيه
توفيق بأبتسامه عين العقل يا شريف بص هتاخد جواز الصفر ده وهتطلع من البلد عن طريق ميناء
أبوقير رجالتنا هيكونوا محاوطينك من كل حته وكمان هيكون فى حد معاك يستلم منك الفلوس
لو فكرت تلعب بديلك هتم تصفيتك فورا وشفيق
هيكون معاك لحد ما توصل الميناء
شريف طب أقدر ارجع البلد أمتى
توفيق كمان تلات سنين يلا انت لازم تتحرك دلوقتى
ركب شريف السيارة مع ذلك الذى يدعى شفيق متوجهين ناحية مدينة الإسكندرية لكى يستطيع
شريف الهرب إلى خارج البلاد والفرار من العداله
اما فى بلد آخرى
تحديدا فى المملكة المتحدة بالعاصمة لندن فى منزل صغير يبدو عليه الفخامه خرجت مريم من الحمام وهى تلف جسدها بمنشفه وقفت أمام المرأه تطلع
لها بحزن شديد اه يا رب أنا عايزه أنسى إللى حصلى بقى
قطع حديثها صوت طرقات صغيره على الباب ويسبقها صوت والدها الحنون
فارس يلا يا مريم يا حبيبتى الغدى بقى جاهز
مريم بأبتسامة ماشى يا بابا أنا جايه أهو ثوانى بس هغير هدومى
فارس طب يلا عشان الأكل ما يبردش
رحل فارس وبدأت مريم فى تغير ملابسها وارتدت ستره باللون المستردى والبنطال أبيض اللون ثم
خرجت لوالدها الذى كان يجلس فى غرفة المعيشه
وجلست بجانبه
فارس بأسف معلش يا مريم ما قدرتش أعمل ليكى اكل واضطريت أطلبه من المطعم اكل صينى زى ما
أنتى بتحبى
مريم
بأبتسامه ياه يا بابا أنت لسه فاكر أنا بحب إيه
فارس بحنان ابوىوإذا ما كنتش أفتكر الحاجه إللى أنتى بتحبيها يبقى هنسى إيه يلا كولى بقى وكفاية رغى أنتى مش شايفه وشك أصفر إزاى
بدأ فارس فى تناول الطعام بينما ظلت مريم تعبث فى طعامه بشرود وحزن لاحظ فارس شرود ابنته
وعبثها بالطعام فتحدث لكى يفيقها
فارس مالك يا مريم سرحانه ومش بتاكلى ليه يا بنتى
مريم بدموع تلقائية بفكر فى إللى حصل يا بابا أنا عملتله إيه عشان يعمل فيا كل ده ذنبى إيه ذنبى أنى اتجوزته اشمعنا أنا اللى يحصل فيا كده
فارس بحزن استغفرى الله يا بنتى أنا أسف يا بنتى أنى ما كنتش موجد عشان احميكى منه ما أنتى عارفة إيه إللى حصل بس أنتى
حاولى تنسى إللى فات خليكى بنت النهارده يا بنتى
مريم بدموع عارفه يا بابا عارفه بس صدقنى إللى فات قبل ما يألمنى من بره كسر قلبى من جوه
يا بابا الأيام إللى فاتت دى كنت بصحى على كوابيس
فارس بتنهيده بصى يا مريم أنا عارف
ان إللى حصل مش سهل وصعب تتخطيه بس صدقينى مفيش
حاجة تستاهل إنك تضيعى حياتك عشانها أنا عايزك
قوية وما تضعفيش مهما حصل ماشى يا حبيبتى
مريم وهى تزيل دموعها هحاول يا بابا مع انه شئ بشع ما يتنسيش بس أنت كمان لازم تساعدنى فى
ده بابا أنا عايزه أفتح مطعم ومن الصفر
فارس مطعم وده هتقدمى فيه اكل إيه ده يا مريم
مريم بحماس اكل عربى يا بابا إحنا عندنا تراث كبير يا بابا لازم نعتز بيه وعشان كده مش هميز بلد عن
التانيه وهاخد من كل بلد كام أكله مشهوره ولذيذه
وهعمل بيها قائمه تتغير كل أسبوع مع هقدم حجات مختلفها هنا فى ناس ما يعرفوش عن بلدهم دورنا إحنا نوريهم حتى لو بأكله بسيطه مع ديكور شرقى ينقلهم على بلدهم وهما فى مكانهم
فارس وأنا معاكى لأنها بجد فكره حلوه بس هتجيبى شيف منين
مريم أكيد ربنا هيوقع حد فى طريقى
أثناء حديثهم صدح صوت الجرس يعلن عن قدوم أحدهم فصدمت مريم عندما وجدت سيده ترتدى ملابس زاهيه فى منتصف الأربعينات تقف أمامها وتبتسم ابتسامة غريبة وتحمل فى يدها شئ
فى المساء
كان جاسر يجلس فى غرفته فى القصر ويحمل هاتفه ويتحدث مع مهاب ابن خالته
جاسر الو يا مهاب بص عايزك تركز البحث عن مريم فى المطارات مريم بره البلد مش جوه إحنا كل ده كنا
بنضيع وقت كثف البحث أرجوك مش عايز أبعد عنها أكتر من كده أنت
فاهم
مهاب بس أنت مين إللى قلك انها بره مصر
جاسر جدى يا سيدى هو إللى هربها وهو كمان إللى خرجها من البلد
مهاب بترددبس جدك واخد حزره كويس يا جاسر يعنى مش هتعرف توصلها غير بأزن منه
جاسر بتسأولوانت إيه
مهاب پخوف اصل أنا سبق ودورت فى المطارات والموانئ و مريم الصياد وأبوها ملهمش أى أثر
جاسر وهو يبتلع ريقه يعنى إيه
مهاب يعنى أحتمال ما تشفش مريم تانى
دب الړعب فى قلب جاسر وصدح نقوس الخطړ فهل
ما يقوله صديقه صحيح يعنى أنه لن يرى مريم مره
أخرى إذا هذا هو العقاپ الذى اختاره الله له ان يبعدها عنه لا يا الله عقبنى بأى شئ لكن لا تبعدها
عنى لا تكسر قلبى بتلك الطريقه ولكن لا يجب على أن استسلم سوف أبحث عنها واجدها حتى لو كانت
تحت سابع أرض سوف أجدها
الحلقة 14
فتحت مريم الباب فوجدت أمامها امرأه فى الأربعينات من عمرها ترتدى ملابس غريبة الون فقد كانت ألوانها زاهيه للغاية تحمل فى يدها عمود للطعام وتبتسم بأتساع وسذاجه وبجوارها فتاة فى
العشرينات من العمر ويبدوا عليها العبوث وتكتف
السيدة إزيك يا حبيبتى عامله إيه أنا أول ما عرفت ان أنتوا جيران جداد وجايين من مصر قولت ما بدهاش لازم اجى أسلم عليكم بنفسى
الفتاة بأحراج ماما بالرحه على البنت ھتموت فى إيدك خلاص بقى كفاية
مريم لا عادى سبيها براحتها بالمناسبة أنا مريم
الفتاة بأبتسامه وأنا سهى ودى تبقى ماما واسمها أميرة
مريم أتشرفت بمعرفتكم اتفضلو
أتى صوت فارس من الداخل يسأل عن هوية الطارق
فارس مين إللى بيخبط يا مريم
مريم دول جيرانا يا بابا مصريين يا بابا اتفضلوا مش معقول هتقفوا على الباب كده
دخلت مريم بصحبتها أميرة وسهى إلى البيت وجلسوا فى الصاله أخذن يتبادلا أطراف الحديث
مع بعضهم البعض
مريم أنتوا بقى اديلكم كام سنة هنا شكلكوا تعرفوا البلد كويس
أميرة بصى يا ستى هاتى أطباق وحطى الأكل وكلى أنتى وباباكى الأول عشان شكلوكوا ما أكلتوا وأنا هحكيلك حكايتى من طقطق لسلامة عليكم
مريم بأبتسامه طيب ماشى أنا هجيب أطباق لينا كلنا شكلك جايبه اكل للكل ويبقى أكلنا عيش وملح مع بعض
نهضت مريم وأحضرت بعض الاطباق
للجميع وبدأت فى تقديم الطعام ودعت الجميع كانت مريم تأكل بنهم كأنها لم تأكل فى حياتها فقد طعام أميرة شهى ولذيذ للغاية فهو مصنوع بحب وحنان ورعاية واهتمام من يد بارعه للغاية
مريم بأبتسامه الله أنا أول مره أكل أكل باللذه دى والطعامة دى بجد تسلم إيدك أنتى طباخه هايله
سهى بمرحأمال أنتى فاكرة إيه يا بنتى ماما ما بتحبش حاجة فى الدنيا غير أنها تعمل أكل ده
عشق بالنسبة ليها وبسببها دخلت سياحه وفنادق عشان أبقى زيها بس بردوا ولا جيت جنبها حاجة
مريم بتسأولأنتى ما فكرتيش تفتحى مطعم يا مدام أميرة
أميرة بأبتسامه اولا بلاش مدام دى عشان حساها مكبرانى ههههه واه فكرت ده كان حلمى بس المطعم كان هياخد كل وقتى وخاصة وأنا مش معايا حد يهتم بسهى ويراعيها معايا
مريم طب إيه رأيك تشتغلى معايا أنتى وسهى أنا عايزه افتح مطعم
شرقى بس كنت بدور على شيف
وادينى لقيتك لا وكمان جيالى لحد البيت أنا
رأى ما
ترفضيش لأن دى شكلها لعبة القدر إللى وقعتك فى
طريقى صح ولا إيه يا بابا
فارس بهدوءصح يا مريم يا بنتى صح جدا على الأقل يبقى حققتى حلمك وعملتى المطعم
إللى بتحلمى بيه ها قولت ايه
سهى بسرعة موافقه طبعا هى هتلاقى فرصة أحسن
من كده فين يلا يا ماما قولى ماشى بقى
أميرة عشان خاطركم أنتوا بس هوافق
مريم بتسقيفاهو هو ده الكلام أنا هروح اعمل نسكافية لينا إحنا الكل وهاجى أسمع حكايتك
نهضت مريم لصنع النسكافيه وبعد ذلك أحضرت اربع ماجات للجميع مسكت أميرة الكأس
وبدأت
فى سرد حكايتها
أميرة بتنهيده
من عشرين سنة كنت متجوزه واحد إسمه مصطفى وخلفت من بنتى سهى أنا ومصطفي كنا بنحب بعض وكبر حبنا لما جت بنتى سهى للدنيا بس بالرغم الحب إللى بينى وبين مصطفى إلا أن كان فى ناس معارضة الجوازه دى وأولهم اخو مصطفى إللى شاف فى جوازنا فقدانه
السيطرة على أخوه ونصيب أخوه فى الورث وخاصة
أنه كان عايز يجوز أخوه لواحده فقيره منكثره من البلد يقدر يسيطر عليها بس حبى أنا ومصطفى
كان أقوى من أى حد أخوه كان بيحاول يخلق المشاكل بينا بس ما قدرش لحد ما صحيت فى يوم
على صوت خبط ورزع على الباب فتحت لقيت
محامى جوزى هو إللى بيخبط لقيته جايب معاه
أوراق وجوزات سفر ليا أنا وسهى بنتى وقلى لازم
أنا وبنتى ولما قولتله عرفت منين قلى ان مصطفى قاله أنه رايح البلد ولما لقاه اتأخر وأتصل بيه وسمعه
وهو پيتخانق مع أخوه وبعدها سمع صوت صړاخ وزعيق ففهم وقتها ان مصطفى ماټ ومش راجع تانى فجه عشان يعمل إللى اتفق عليه مع مصطفى
أول ما قالت أميرة اسم توفيق السيوفى سقط الكأس من يد فارس وسألها
فارس بتوتر أنتى تبقى مرات مصطفى السيوفى
أميرة بدهشه أيوه أنت تعرفة يا أستاذ فارس
فارس بحزن أيوه اعرفه المرحوم كان صاحبى الروح بالروح الله يرحمه
الجميع الله يرحمه
كان فارس يجلس بتوهان وحزن يسترجع سنوات عمره الضائعة فى حزن شديد ولا يعرف كيف يخبرهم
ولكنه لا يستطيع
فأذا علموا ربما ينهارون ولا يستطيعوا التحمل سيصمت ويتكتم على ذلك السر لن يخرجه لأحد
اما عند جاسر
فى صباح اليوم التالى نهض جاسر وبدل ملابسه واستعد لكى يذهب لجده حتى يطلب منه السماح
ويسأله على مكان مريم وأثناء نزوله رأى كاميليا وهى ترتدى زى الخدم وتنظف المنزل بمفردها
ويبدوا عليها الانهاك والتعب ولكنه لم يهتم بها أبدا فما يشغل تفكيرة أهم منها بكثير فهو عليه إيجاد
ولكن أثناء سيرة اوقفته كاميليا
كاميليا بترجى جاسر أرجوك كفاية بقى أنا مش قادرة استحمل إللى بيحصلى ده أنا مش متعوده على الخدمة أرجوك كفاية كده
جاسر بسخريهتعبتى من يوم يا كوكى أمال لما تخدمى فيا أنا ومراتى مريومتى حبيبتى هتعملى
إيه يا كوكى
كاميليا پغضب ما تقولش مراتى أنا هى إللى مراتك أنا إللى أنت خلتها ست البيت ده وعطيتنى كل
الحقوق والصلحيات مش هى أنت فاهم
التانى وبعدين أنتى لا مراتى ولا ليكى أى حقوق
عندى يا كوكى أنتى ناسيه أنى طلقتك انبارح ولا إيه
طالق طالق طالق يا كوكى طالق بالتلاته يلا باى واه
صح أى شكوى هتيجى من سعاد عنك مش هايحصل ليكى كويس واه شغلك ده لو مش عاجبك فالبدروم إللى حبست فيه مريم مستنيكى
يلا شاو يا قطه
رحل جاسر تاركا خلفه كاميليا خلفه تستشيط ڠضبا وتتوعد له ول مريم بأشد واقصى أنواع
الإنتقام فهى
لن تجعلهم يهنأوا بحياتهم أبدا بينما على الجانب الآخر ركب جاسر سيارته وأمر السائق بالانطلاق إلى العنوان الذى أخذه من مهاب حيث قصر الصياد بالقاهرة فجده لم يسافر بعد وبالفعل ما هى إلا ساعة وقد وصل جاسر إلى القصر فتح لهم أفراد
الحراسه البوابه بعد معرفتهم هوية جاسر بينما تم إرسال أحد إلى الداخل لكى يعرف الحاج مهران عن
وصول جاسر إلى القصر ورغبته فى رؤيته انتظر جاسر
جده فى الردهه بالأسفل حتى نزل
الحاج مهران إزيك يا جاسر يا ولدى عامل إيه
جاسر بتنهيده أنا مش كويس من ساعة ما مريم سابتنى كل حاجة بقت ما لهاش طعم الشمس غابت عن حياتى وبقت حياتى عباره عن ضالمه هى صحيح كانت فى غيبوبة بس كانت معايا قصاد عينى لكن أنت بعدتها عنى خدت روحى منى أرجوك قولى
فين مكانها أنا بټعذب فى بعدها يا جدى
الحاج مهران بس مش أنا إللى أخترت ابعدها عنك يا ولدى إللى اختار كان أنت من الأول أنت إللى هنتها
وجرحت مشاعرها لما كنت بتزلها بعماها أنت إللى
هنتها
ليها كل يوم قدام إللى يسوى واللى ما يسواش أنت
ما رحمتش ضعفها عايزنى أرحمك كيف ولا هى تسامحك إزاى بأنهوا
اماره أنا غلط مره ومش هكررها
جاسر بدموع جدى أرجوك قولى على مكانها ما تعملش فيا كده أرجوك أنا عرفت غلطى و مستحيل
أكرره تانى مريم من هنا ورايح هتبقى فوق راسى وجوه عينى مش هسمح لحد ولا لنفسى بأذيتها
ولو بكلمه هحطها جوه قلبى هى أصلا موجوده
جواه جدى لو
ليا خاطر عندك قولى هى فين
الحاج مهران أنت خاطرك كبير عندى يا ولدى بس مريم خاطرها أكبر
جاسر بتنهيده يعنى ده آخر كلام عندك
اومأ الحاج مهران برأسه ففهم جاسر المغزى من هذه الإشارة ونهض ليرحل بخيبة أمل كبيره من
جده مع التعهد بالعوده مره أخرى حتى يعلم
أين هى مريم ته الغاليه
بعد ذهاب جاسر جلس
الحاج مهران وأخرج الهاتف لكى يحدث مريم يخبرها عن ما حدث والحالة التى وصل لها جاسر فى بعدها
انتظر مهران الرد حتى اتاه
مريم بفرحازيك يا جدى عامل إيه وحشتنى قوى قوى يا موها
الحاج مهران بمرحاخ يا بكاشه لو أنا وحشك زى ما بتقولى كنتى سألتى عليا حتى لو بأتصال صغير وبعدين ابوكى الندل ده عامل إيه
مريم بضحكإحنا تمام ياجدى والندل كويس أقصد بابا هههههه اسفه ما قصدش
الحاج مهران بضحكه هههه حاسبى أحسن يكون سمعك تبقى وقعتك سوده
مريم بمزاحلا ما تقلقش أنا مسيطره قوى على الوضع هنا وليا كلمتى بردوا
الحاج مهران اه منك يا غلبويه أنتى بت ابوكى بصحيح المهم قبل ما تنسينى الكلمتين إللى
كنت هقولهم جاسر كان هنا ولسه ماشى
مريم بسخريه اه وبعدين أيه سبب الزيارة الكريمه دى يا جدى
الحاج مهران بتنهيده كان عايز يعرف مكانك بس أنا ما رضيت اقوله رغم أنها أول مره اشوفه فى الحاله
دى من يوم ما عرفته جاسر ندمان وندمان قوى كمان يا بتى بصى يا مريم ده بكى قصاد عينى والراجل ما بيبكى على حد الا لما يكون غالى عليه قوى بس أنى ريحت ضمير وقولت ليكى فالرأى
فى الآخر رأيك أنتى
مريم بدموع وانت عايزنى أقول إيه يا جدى أنى خلاص هرجعله ده يا حرام بكى عشانى طب فعلى الأقل يا جدى ده لو ليا خاطر عندك وبتحبنى زى ما
بتقول أوعى تقوله على مكانى
الحاج مهران بحزن خاطرك فوق راسى يا بتى وأنى عمرى ما هكرر غلطى مره تانيه والمره دى رغبتك
إللى هتم بس عايزك تكونى سعيده فى حياتك وتنسى إللى صار وترجعلى مريم بتاعت زمان
مريم بحزن هحاول يا جدى مع انه صعب عشان أنا ادبحت من الشخص إللى المفروض يحتوينى ويكون السند ليا معلش بقى يا جدى أنا لازم أقفل
بعد أن اغلقت مريم الخط تنهد الحاج مهران فهو يعرف ان الچرح عميق وشفأه صعب وعلى جاسر
ان يتعذب حتى يجد مريم وكذلك يطلب منها السماح على كل ما فعله بها
فى شركة الصياد
كان مازن يعمل على أوراق صفقة ما بأهتمام حتى دخل عليه مروان وجلس لكى ينهى الأوراق معه ولكن كان العمل كثير فهى الصفقه كبيره يعمل عمهم صالح دور الوساطة بينهم وبين الشركة ظلوا يعملوا حتى دخلت عليهم السكرتيرة حتى دخلت
السكرتيرة لتقاطع عملهم
السكرتيرة مازن بيه صالح بيه وصل ومعاه
رئيسة الشركة التانية تحب ادخلهم
مازن
بتأففهى كمان ست شكلها ليله سوده من أولها شكله هيبقى طين على دماغى
مروان إيه يا عم هى أول مره نشتغل مع ستات ولا إيه وبعدين انت من أمتى پتكره الشغل معاهم
مازن أنا مش بكره الشغل معاهم بس بيطلعوا روحى عقبال ما الشغل يعجبهم لا وكمان إيه ممكن
تخليك تعيد الشغل من الأول عشان فيه خدش صغير مش عاجبها شغلهم يطهق ويقصر العمر معلش روحى وخليهم يدخلوا
خرجت السكرتيرة وجعلت صالح ومرفقته يدخلان فهب مازن يرحب بعمه هو ومروان ولكنه لم يلاحظ
مرافقته أبدا اورذ رئيسة الشركة الاخرى
مازن مروان إزيك يا عمى عامل إيه وحشتنا والله
صالح وأنتوا كمان يا ولاد اه صح نسيت اعرفكم على رئيسة مجلس إدارة شركة الصاوى الآنسة
فرح الصاوى تعالى يا فرح
الټفت صالح لها مع جملته الأخيره يفسح لهم المجال للرؤيه وما ان وقعت عين مازن عليها حتى برزت عروقه وتحولت عينه للون غامق فبلعت فرح
ريقها فقد اخافها مظهره فخرج صوت مازن بفحيح
مرعب افزعها وجعله ترتجف
مازن بصوت شيطانىوقعتى ولا حدش سمى عليكى يا قطة لا وشوف سخرية القدر جابك
لحد عندى يا أنسة فرح الصاوى
الجو بتوتر شديد فوه يعرف
شقيقة جيدا فأذا كان يتعلق الأمر ب مريم بينما كان يتابع صالح الموقف بصمت
الحلقة 15
بعد مرور يومان
كان مازن يجلس بغرفته ويفكر فى فرح التى هربت
كالكتكوت المبلول من أمامه من شدة الخۏف ف
ضحك مما أثار انتباه مروان الذى كان يجلس بجانبه
فهو يريد أن يعرف ما ذلك التغيير الذى حدث لأخوه
فهو لم يراه هاكذا من قبل يعنى قبل أن يرى فرح
الصاوى تلك الفتاة ذات التركيبة الغريبه فهى خاطرت بحياة شقيقتها وقد أعطت مريم فيتامينات
مروان بسخريه إيه يا مازن بيه حالك مش عاجبنى ليه ولا فيه حد شاغل عاقلك
مازن بأنتباهإيه يا مازن أنت مش لاقى حاجة تعملها هتقعد تخدها تريقه وإيه إللى واخد عقلى دى
مروان وهو يمثل التفكير اممم امم الدكتوره فرح مثلا يا ميزو
مازن بتوتر مروان أنت شكلك مش هتخلص روح كلم رهف البت الغلبانه إللى أنت منفض ليها بقالك
فتره دى وسبنى أنا مع الدكتوره فرح اا قصدى مع
نفسى يلا يلا أطلع بره
مروان بضحكاوبا أنت وقعت ولا حدش سمى عليك يا كينج ولا حدش سمى عليك
مازن وقعت إيه يا هبل أنت يلا أطلع بره خلينى اقعد لوحدى وأريح دماغى من صداعك
مروان صداعى بردوا ولا صداع الدكتور فرح يا كينج
مازن بضيقكان يوم أسود هو أنا عارفه
مروان يضيق حاجبيههو إيه إللى كان يوم أسود
مازن بتهكماليوم إللى بقيت فيه أخويه يا حبيبى يلا
بقى أطلع بره عشان تعبتنى معاك
خرج مروان من الغرفة بعد معناة وبمجرد أن خرج وقف مازن خلف الباب وزفر نفس طويل
مازن بتأففأوف عيل رخم أمم لما أروح
اكلم صابر أشوفه جاب المعلومات بتاعت فرح ولا لأ
أمسك مازن هاتفه وقام بالإتصال على
صابر وما هى إلا ثوانى حتى اتاه الرد
مازن بهدوءالو يا صابر عملت إيه فى إللى قولت عليه
ها كله تمام
صابركله تمام يا باشا والمعلومات كلها معايا قولى
خلال ساعه وهتكون عندك
مازن بص هو مش مهم المعلومات دلوقتى أنا عارف كل ده أنا بس
صابرالعنوان فى الشيخ زايد
مازن طيب خلاص كده يا صابر ابعتلى المعلومات على المكتب وعدى على الحسابات خد مكافئتك
يلا سلام
أغلق مازن مع صابر وذهب إلى الحمام وأستحم وابدل ملابسه وهم بالانطلاق إلى الخارج واستقل
سيارته وهم بالانطلاق إلى
حيث وجهته حيث وصل
للمكان بعد
مرور نصف ساعة فقط فكان فيلا الصاوى التى تحوى جنيته الصغيره ضغط على
الجرس مطولا وما هى
