وانا بغــسل حماتى لقيتها
وانا بغــسل حماتى لقيتها بقلم هويدا زغلول
المحتويات
أي حد حواليها كان لازم يرضيها حتى
لو على حساب نفسه.
سعاد
بكسرة
كنت بحاول أرضيها والله كنت بحاول بس دايما كنت ناقصة في نظرها.
فاطمة
بتواسيها
وحتى لو عملتي المستحيل برضه ما كنتيش هتبقي كفاية. الناس اللي زيها ما بيعرفوش يقدروا حد دي كانت عايزة الناس تفضل تحت رجليها.
سعاد
بدموع
أنا مش زعلانة إني خرجت من البيت ده بس موجوعة على عمري اللي ضاع فيه.
فاطمة
بتحاول تهديها
بس إنتي لسه عندك حياة قدامك يا سعاد. اللي راح ما يرجعش لكن اللي جاي أحسن بإذن الله.
سعاد
بتبتسم ابتسامة حزينة
يا ريت كنت زيك يا فاطمة جوزك شالك بعيد عن كل ده كنتي محظوظة.
فاطمة
بهدوء
كل حد فينا يا سعاد بياخد نصيبه وإنتي ربنا كتبلك تكوني قوية عشان تعدي اللي عديتيه.
سعاد
بتنهد
يمكن بس بفضل أقول لنفسي لو كان في حد حس بيا وقتها كنت ارتحت شوية.
فاطمة
بثقة
إنتي أقوى من إنك تستني حد يحس بيكي اللي إنتي عملتيه محتاج شجاعة ودي حاجة مش أي حد يقدر عليها.
سعاد
بابتسامة خفيفة
ربنا يطبطب على قلوبنا يا فاطمة الدنيا دي مش سهلة.
فاطمة
بتبتسم
وهو دايما جنبا طول ما إحنا صابرين وقويين.
وفي مكان تاني محمد كان قاعد مع حازم ومنصور وناصر وكل واحد فيهم سرحان في ذكرياته. محمد شاف الوجع في عيونهم وقرر يكسر الصمت.
محمد
بصراحه يا رجاله أنا مش فاهم ليه بتتكلموا عن أمي كده
أنا فاكرها ست قويه شايله البيت على كتفها وكل حاجه كانت ماشية بفضلها.
حازم
بنبرة غضب مكتوم
قويه إنت بتتكلم عن أمنا ولا حد تاني دي كانت جبروت ماشي ع الأرض عمرها ما فكرت غير في نفسها.
منصور
بغصة
محمد إنت كنت بعيد عن البيت ما شوفتش اللي إحنا شوفناه. ما تعرفش كانت بتعمل فينا إيه.
ناصر
بصوت مكسور
إنت كنت برا كبرت بعيد عن قسوتها.
محمد
بتعجب
طب ليه بتقولوا كده يمكن كانت بتعمل كل ده عشان مصلحتكم عشان تطلعوا رجاله وتعتمدوا ع نفسكم.
حازم
بعصبيه
رجاله إحنا كنا عرائس في إيديها تتحكم فينا زي ما هي عايزه. ولا واحد فينا كان يقدر يقول لا.
منصور
بحزن
عارف يا محمد كنت دايما أتمنى إنك تكون معانا يمكن كنت تشوف الحقيقه. إحنا ما كناش ولادها كنا عبيد عندها.
ناصر
بغصة
أنا لسه فاكر يوم ما قلت لها إني مش عايز أشتغل في الشغل اللي هي اختارته لي. قالت لي أنا أمك وكلامي هو القانون.
محمد
باندهاش
بس يمكن كانت بتحاول تخليكم أفضل
حازم
بيقاطعه بغضب
لا يا محمد! ما كانش فيه حاجه اسمها تحاول. كانت شايفه إن اللي في دماغها هو الصح وإحنا مجرد أدوات تنفذ أوامرها.
منصور
بهدوء وحزن
أكتر حاجه كانت توجعني يا محمد إننا كنا بنحاول نرضيها بس عمرها ما كانت بترضى.
ناصر
بدموع
في عيونه
حتى لما كنا نحاول نقول رأينا كانت تسكتنا بالنظرات بالكلام الجارح وأوقات بالإيد.
محمد
بحزن
ما كنتش أعرف إنكم عانيتوا بالشكل ده
حازم
بمرارة
وأكتر حاجه كانت توجعنا إنك كنت بعيد ما كنتش موجود عشان تكون معانا أو حتى تقف قدامها.
محمد
بصوت مكسور
سامحوني لو كنت عارف كنت حاولت أعمل حاجه.
منصور
بتنهيده
إحنا ما نلومكش يا محمد ده نصيبنا. بس دلوقتي على الأقل لازم نبقى لبعض.
ناصر
بحزن
فعلا إحنا ما عدش لينا حد غير بعض.
محمد
بحزم
وعد مني يا رجاله اللي فات خلاص واللي جاي هنعيشه بطريقه مختلفه. إحنا إخوات وهنفضل سند لبعض مهما حصل.
محمد جمع الكل في الصالون الجو مليان بالحزن محمد واقف قدامهم ووشه مليان أسف وحزن.
محمد
بصوت هادي وحزين
أنا آسف نيابة امي وعن اللي عملته معاكم وانها بوظت
الكل ساكت شوية وجوههم مليانه قهر وحزن. سعاد بتتكلم بعد فترة.
سعاد
بصوت متجهم
كلامك صح محمد. بس ما فيش حد فينا كان عارف يعبر عن اللي في قلبه. كل يوم كان فيه معركة. وده كله بسبب اللي حصل من أمك.
نجلاء
بصوت حزين
صحيح كنا عايشين في مشاكل طول الوقت وكل واحد فينا كان شايل همومه لوحده. ده كله نتيجة ظلم مش قادرين نتحمله.
محمد
بصوت ضعيف
أنا آسف يا نجلاء مش قصدي
أسبب لكم كده. ما كانش في قدري أغير حاجة. لكن دلوقتي بصوت حاسم لازم نصلح اللي اتكسر.
الكل ساكت بيفكر في كلام محمد. سعاد بتنهد وبتتكلم.
سعاد
بتنهد
بس لازم نعدي اللي فات. ما ينفعش نفضل نعيش في الماضي. لازم نبدأ نصلح علاقتنا ببعض.
نجلاء
بصوت هادي
أنا موافقة. يمكن بعد كل اللي حصل ده نقدر نصلح علاقتنا مش بس مع بعض لكن مع نفسنا كمان.
محمد
بابتسامة وحزم
ده الصح لازم نرجع لبيوتنا ونصلح اللي اتكسر. نرجع لمراتنا ونقولهم إننا مش هنسكت عنهم تاني. لو في حاجة كويسة فينا لازم نكبرها.
الجميع بيهدي شوية وكل واحد بيفكر في كلام محمد. يبتسموا تدريجيا وكأنهم بدأوا يشوفوا نور جديد. يدخل ناصر وحازم ومنصور للصالون.
حازم
بصوت جاد
إحنا كنا عايشين في جحيم كنا دايما نقاوم بس كل حاجه كانت بتضيع قدامنا.
منصور
بصوت متألم
وما كانش فيه حد يقدر يقف قدام أمنا. كانت هي اللي بتتحكم في كل حاجه.
محمد
بصوت ثابت
مهمش دلوقتي إيه اللي فات هي بين رب اسمه العدل المهم هو اللي جاي. إحنا لازم نوقف مع بعض .
ناصر
بصوت حزين
صح بس مش سهل كنا بندفن أحلامنا جوه وكل يوم كان فيه حاجه جديدة من أمي.
حازم
بغضب مكبوت
اللي كانت بتعمله معانا كان فوق طاقتنا ما كنتش عارف أتحمل أكتر.
منصور
بتنهدة
لكن دلوقتي لازم نبدأ من جديد نغير حياتنا ونرجع لبعض.
محمد
بابتسامة حازمة
تمام نقدر نغير حياتنا ونكون مع بعض. نواجه كل اللي جاي ونتخطى الحواجز.
فاطمة
بابتسامة هادئة
يمكن تكون بداية جديدة. أنا متأكدة إننا هنقدر نعيش بسلام لو فكرنا في بعضنا.
الجميع بيبدأ يتفق ويمشي في طريق التصالح. ينتهي المشهد مع بداية العودة
للسلام والتفاهم بينهم.
وبعد وقت في طريق رجوع محمد وفاطمة قاعدين في العربية فاطمة كانت حطه راسها محمد وقالت
فاطمة
بصوت هادي وهي تميل على كتفه
محمد أنا مش عارفة أشكرك إزاي. الحمد لله إنك أخدت القرار ده اننا نبعد عن بيت العيله يمكن لو كنت لسه في وسط العيلة دي كنت هفضل عايشة في هم وتعب طول العمر زيهم
محمد
بيبص ليها بحب وهو سايق
فاطمة إنتي أكتر حاجة غالية عل. مش هسمح لحد يكون سبب في حزنك. حتى لو ده معناه إني أبعد عن أهلي والمشاكل اللي كانوا فيها.
فاطمة
بتبتسم وبترتاح
أنا بحبك اوووي ياسندي
محمد
بتنفس عميق وهو مركز في السواقة
انا مفيش حاجة تهمني غير راحتك يا فاطمة. لو كنت في وسطهم كان زمانك بقالك سنين مش قادره تخرجي من دوامة المشاكل دي.
فاطمة
بصوت هادي
صح كنتي دايما تحاول تنقذني من المشاكل بس أوقات ما كنتش قادره أصدق إن ده هيحصل. النهاردة حاسة إني مرتاحة زي ما عمري ما حسيت قبل كده.
محمد
بصوت هادي ومليان مشاعر
وأنا كمان في وسط كل الكلام اللي حصل واللي شايفه حوالينا ما فيش حاجة
تهمني غيرك إنتي. بس
فاطمه
ربنا يخليك ليا يا احن حد شوفته في حياتي
محمد
طب تعرفي يا فاطمه علي الرغم اني مدايق علي موت امي بس مدايقه اكتر علي الغذاب اللي اخواتي شافوه بسببها
فاطمه
اللي حصل حصل يا محمد متفكرس كتير في الموضوع كل
الطيب وسرته الكويسه اللي الناس تغضل فكراه بيها
محمد
فعلا عندك حق
متابعة القراءة
