وانا بغــسل حماتى لقيتها بقلم هويدا زغلول

ما تعملي نفسك ست البيت
نوسة بلطف
ده بيت جوزي يا طنط وأنا بعمل أكل لينا كلنا.
فوزية بتريقه
جوزك! اللي لسه انا مش مصدقه إنه اتجوز واحدة زيك! على فكرة إنتي خربتي بيتنا وخليتي ابني يتمرمط.
نوسة بصدمة
إيه الكلام بتقوليه ده أنا مالي ولا عملت ايه انا
فوزية بعصبية
مالك ايه انتي هتصتعبطي كل المنطقه بتقول انو في غياب ابني في شغله انتي كنتي بدخلي ناس عندك البيت وانا شوفتهم بي عينيا دي
نوسة بصدمه
انتي بتقولي إيه انتي أنا عمري ما عملت حاجة غلط وكل الناس عارفة ده وابنك اول ما حد عارف
فوزية
قالو للشريفه تحلف بس استني عليا بس اما وريتك انا هعمل ايه
وتمشي فوزيه بكل حقد وكره ونوسه تتصل علي حوزها حازم وتقوله
نوسة
حازم أمك بتظلمني وبتقول كلام مش حقيقي لدرجت انها خلت سيرتي في كل الحاره
حازم
بصي أنا عارف إن أمي ساعات بتكبر المواضيع بس خليكي إنتي أهدى منها انا مش عايز مشاكل معاها
نوسة بوجع
تهدى إيه هي بتقولي إني بدخل رجالة البيت! وده كلام صعب
يا حازم إزاي تسكت عليه
حازم
نوسة مش هينفع أقول لها حاجة دي أمي قولتلك
نوسة. بدموع
وأنا مراتك! ولازم تدافع عني.
وفي نفس الوقت نوسه تسمع صوت لفوزية بتتكلم مع جيرانها في الحارة وتقول
فوزية بصوت عالي
اسمعو يا حاره انا قفشت مرات ابني اسمعو وشوفو
واحده من الجيران
اغوذو بالله ايه اللي بيحصل في الدنيا خليه يطلقها ومشيها من البيت
فوزيه
هو ده اللي هبحصل انا من الاول مكنتش راضيه عن الجوازه دي بس انا هصله. كلو دلوقتي
وتروح فوزيه تجيب نوسه اللي واقفه قدام باب البيت ومصدمه من اللي بتشوفه وتسمعه لمه تلاقي فوزيه قربت منها تقولها
نوسه بإنهيار
حرام عليكي انتي بتعملي ليه كدا ليييه انا عملتلك ايه
فوزيه بصوت واطي
هو كدا كيفي كدا انتي مش عجباني
وراحت فوزيه مسكتها من شعرها ورمتها في وسط المنطقه وقالت
فوزيه بكل جبروت
يلا غوري انتي من هنا مش عايزين نشوف وشك تاني
وتسيب فوزيع نوسه في وسط الحاره وتدخل البيت وتقفل الباب في وشها
عوده للوقت الحاضر
نوسة تبكي بحرقة قدام فاطمة وهي بتحكي اللي حصل
نوسة
شفتي بقى شفتي قد إيه هي دمرتني طلقتني وشوهت سمعتي خلتني أهرب أنا وأهلي من البلد وعايزاني دلوقتي أدعي لها بالرحمة!
فاطمة بحزن
نوسة أنا فاهمة قد إيه هي ظلمتك بس الظلم ده ما راحش عند ربنا شفتي بنفسك اللي حصلها. الدعاء مش ليها لوحدها ادعي عشان نفسك كمان عشان ربنا يشفي جروحك.
نوسة بتنهد وهي تبكي
أنا مش قادرة الجرح كبير أوي يا فاطمة.
فاطمة تحاول تهديها
الزمن بيجبر كل
الجروح بس خليكي متأكدة إن ربنا ما بيظلمش حد. ادعي واطلبي من ربنا يريح قلبك مش عشانها الدعوة عشانك إنتي الظلم اللي حصل لك ربنا شافه ورده شفتي منظرها وهي خارجة دي كانت عبرة لكل اللي شافها.
نوسة تمسح دموعها
والله يا فاطمة أنا كل يوم كنت بدعي ربنا ياخدلي حقي. كنت فاكرة إن حقي عمره ما هيرجع بس شوفتي ربنا رجعه.
فاطمة. بحزن
وده اللي أقصده ربنا عادل. إنتي دلوقتي اللي محتاجة تستريحي. كل اللي حصل خلاص انتهى عارفة إن جواكي ألم كبير بس الظلم ما بينتهيش بالعند أو بالكره لو فضلتي شايلة الغل ده هتفضلي تعبانة. سامحي عشان نفسك
نوسة. بتمسح دموعها وهي بتتكلم بنبرة مكسورة
انا فاكرة لما كانت تدخل عليا كل يوم تشتمني قدام جوزي فاكرة لما اتهمتني إني بجيب رجالة البيت وخلت الناس كلها تتكلم عني فاكرة لما سابتني أنا وأمي نبكي على الأرض زي الشحاتين وهي بتضحك
فاطمة. تهز راسها بحزن
كل ده وكل اللي عملته ربنا شايفه. هي دلوقتي بين إيده وإحنا مش هنقدر نغير حاجة حصلت لكن نقدر نغير اللي جوانا.
وهنا نوسة تبص لفاطمة وهي مترددة كأنها بتحاول تستوعب الكلام. تقعد شوية في صمت وبعدين تقول بصوت ضعيف
نوسة
يمكن يمكن أقدر أدعي ربنا يرحمني أنا. أما هي ربنا اللي يحاسبها.
فاطمة تبتسم بحنية
هو ده اللي أقصده نوسة. ادعي واطلبي من ربنا يداوي جروحك
نوسة تمسح دموعها وتقوم بتردد وفاطمة تبص لها وهي بتبتسم بحزن
فاطمة
ربنا يريح قلبك يا نوسة ويريح قلوبنا كلنا.
نجلاء وفاطمة
نجلاء كانت قاعدة لوحدها وفاطمة جنبها عينيها غرقانة في
الذكريات فجأة كل حاجة ظهرت قدامها.
فلاش باك
نجلاء كانت في الصالون بتحاول تخلص شغل البيت وشكلها تعبانه. فجأة فوزية دخلت وهي متضايقة ووشها مكشر.
فوزية
ده شكل بيت ده شكل واحدة ست البيت زبالة والعيال صريخهم سامعاه من الشارع! ما فيش فايدة فيك أبدا!
نجلاء
ماما والله كنت لسه مخلصة المطبخ و
فوزية
بتقاطعها وهي بتزعق
مطبخ إيه! إنت لو نضفتي الدنيا كلها برضه شكلك واحدة خايبه لمناكي من الشوارع ما فيش حاجة في حياتك مظبوطة وكل حاجة في البيت بتقول إني جبت ابني أغلط جوازة في الدنيا!
نجلاء
بصوت واطي وهي بتحاول تهديها
أنا بعمل اللي أقدر عليه يا ماما أنا لوحدي ومش لاحقة على كل حاجة.
فوزية
بصوت أعلى وهي بتخبط على الترابيزة
لوحدك! يعني إيه لوحدك مش انتي اللي عايزة تبقي ست بيت خلاص يبقى تتحملي كل حاجة. عايزة جوزي ييجي يقولي مراته مش نافعة ولا عارفة تدير بيت
نجلاء
بدموع في عينيها
أنا بحاول والله بحاول أعمل كل حاجة.
فوزية
تحاولي! ما تحاوليش على جوزك ما تخربيش بيته أكتر من كده. أصل لو على كده ما فيش مانع تشيلي شنطتك وتروحي على بيت أهلك. يمكن هما يرضوا بكسلك ده.
نجلاء
بصوت متكسر
ماما أنا ما استحملتش كل ده عشان أسمع الكلام ده منك.
فوزية
لا تسمعيه وتفهميه كمان. لو كنتي بنت بتفهم كنتي عرفتي إن جوزك شقيان برا عشان يوفرلكوا حياة محترمة مش عشان تيجي تقابليه بالبيت ده والعيال دي. دي آخرتك معاه
نجلاء
بصوت مخنوق
أنا مش عايشة عشان أتحمل كل ده لوحدي أنا مش سوبر ست عشان أعمل كل حاجة من غير مساعدة.
فوزية
ما
تقوليش كده قلة التربية دي ما تنفعش هنا. اللي مش عايزة تشتغل وتخدم بيتها وعيالها ما تلزمش ابني!
نجلاء
بتبكي
أنا مش قليلة أنا ست بتحاول بكل طاقتها
فوزية
بقسوة وهي بتلف وتخرج
تحاولي في بيت غير ده. هنا بيت رجالة مش عايزين واحدة ضعيفة زيك
رجوع للحاضر
نجلاء كانت ساكتة دموعها على وشها وفاطمة بصتلها بحزن.
نجلاء
كنت حاسة وقتها إني أقل من أي حاجة زي ما أكون مش بني آدم.
فاطمة
كل وجع له نهاية وأنتي لسه واقفة وده اللي يثبت إنك أقوى من كل اللي قالوه.
نجلاء
كانت بتكسرني كل يوم بكلامها وكل كلمة منها كانت بتقفل على قلبي أكتر من اللي قبله.
فاطمة
ربنا كبير وكل اللي تعبتيه مكتوب عنده. أنت أكتر من كفاية حتى لو محدش شاف ده.
وهنا جات سعاد قعدت جنب فاطمة وهي بتبصلها نظرة كلها حزن وراحة في نفس الوقت.
سعاد
بصراحة يا فاطمة إنتي كويس قوي إن جوزك أخدك بعيد عن بيت العيلة ده البيت ده كان زي المقبرة.
فاطمة
بتبصلها باستغراب
مقبرة إيه بس يا سعاد
سعاد
بتنهد
أيوه مقبرة أنا
ونجلاء ونوسة كنا عايشين فيه زي الأموات كل يوم حزن وخنقة وما حدش حاسس بيه.
فاطمة
بحنية
طب إنتي ليه لسه فاكرة الحاجات دي ربنا فكك من البيت ده ودي نعمة.
سعاد
بحزن
عارفة بس الذكريات ما بتسيبنيش. كل كلمة قالتها فوزية كل نظرة احتقار كأنها محفورة في روحي.
فاطمة
بصوت هادي
فوزية ما كانتش بتشوف غير نفسها يا سعاد.