وانا بغــسل حماتى لقيتها بقلم هويدا زغلول

وانا بغسل حماتي لقيتها بتتبول علي نفسها ومش راضيه توقف والسبب
وقبل ما نبدأ حكايتنا النهارده احب اعرفكم علي بطلتنا واللي اسمها فاطمه وعندها 32 سنه متجوزه وعايشه في. الفيوم جنب اهلها علشان جوزها شغال في مصنع ابوها وهي شخصيه متحترمه جدااا وملتزمه
وفي يوم محمد دخل البيت بدموع في عينه اتكلم وقال
محمد
فاطمة حضري نفسك حالا هنطلع القاهرة.
فاطمة
في إيه يا محمد حصل حاجة
محمد بحزن
أمي أمي ماتت.
فاطمة بصدمه
إنا لله وإنا إليه راجعون طيب حد غسلها
محمد
لا مفيش حد وافق يغسلها لحد دلوقتي. أنا قولت للناس إنك بتغسلي في بلدنا ومش هتبقى مشكلة.
فاطمة
أنا!
محمد
أيوه إنت بتعملي كده في الفيوم عادي صح
فاطمة
آه يعني بس ما فيش حد تاني هناك يقدر يغسلها
محمد
فاطمة دي أمي! مين هيغسلها غيرك!
فاطمة
طيب حاضر. هنروح ونشوف.
نظرات قلق واضحة على وش فاطمة لكن بتتحرك معاه وهي بتتمتم بصوت واطي.
فاطمة
يا رب عدي الليلة دي على خير
في الطريق للقاهرة فاطمة ومحمد ساكتين والجو تقيل جدا
فاطمة
محمد مفيش حد تاني ممكن يعمل الموضوع ده أنا حاسة في حاجة غلط.
محمد
فاطمة حاولنا مع كل الستات اللي نعرفهم هناك محدش راضي يدخل عليها. كلهم بيتهربوا.
فاطمة
ليه كده هي شكلها كان عامل إزاي لما شفتوها
محمد
مش عارف أوصفلك كل اللي كانوا هناك بصوا عليها بخوف ما حدش عايز يقرب منها.
فاطمة
الله يرحمها طيب لو في حاجة غريبة لازم نعرف.
محمد
ما تفتكريش كتير ركزي إننا لازم نكمل اللي علينا.
فاطمة
حاضر يا محمد بس أنا خايفة من اللي هشوفه جوه.
محمد
ما تخافيش ربنا معانا.
يوصلوا البيت في القاهرة والبيت مليان ناس ساكتين ومتشنجين. فاطمة تدخل مع محمد
فاطمة
السلام
عليكم.
سعاد مرات السلف الكبير
وعليكم السلام إنتي اللي هتغسليها
فاطمة
أيوه بس محتاجة حد يدخل معايا

يساعدني.
نجلاء مرات السلف الأوسط
أنا آسفة ما أقدرش.
فاطمة
ليه هي حصلها إيه
سعاد
إحنا مش هنقدر ندخل شوفي إنتي هتتصرفي إزاي.
فاطمة بتوتر
يعني إيه مش هتقدروا أنا مش هعرف أعمل ده لوحدي لو الحالة صعبة.
نجلاء
لو مش قادرة سيبيها. إحنا قاعدين مستنيين اللي يحصل.
محمد بتعصب
فاطمة مش هتسيب أمي وإنتو قاعدين تتفرجوا
فاطمة بتقطع كلامه
خلاص يا محمد أنا هدخل. بس لو احتجت أي حاجة هنده عليك.
فاطمة تدخل الاوضه تقف قدام فوزيه حماتها وبمجرد ما تبدأ تشوف المنظر الغريب وتتصدم. تخرج بسرعة تنادي على محمد
فاطمة
محمد!
محمد يجري عليها
في إيه
فاطمة بترتعش
مش عارفة أقولك شكلها مش طبيعي وفي حاجة مش مظبوطة كمان هي
محمد
هي إيه
فاطمة بتبكي بخوف
محمد بدموع
يا رب ده عقاب ولا إيه بس
فاطمة
أنا مش قادرة أكمل لوحدي.
سعاد من بعيد
إحنا قولنا مش هندخل شوفي هتعملي إيه!
نجلاء
وبعدين انتي خايفه من ايه يا فاطمه اخنا سامعين انو انتي غسلتي ميتين كتير قبل كدا مالك بقا
فاطمة
ايوه فعلا انا غسلت ميتين كتير وقليل بس ما شوفتش حد ميت زي كدا في حياتي
سعاد ببرود
معلش ربنا يصبرك
محمد بتعصب
إنتو مش بني آدمين! دي زي امكم إزاي تسيبوها كده
نجلاء ببرود
أمنا أيوه بس إحنا نعرفها أكتر منك يا محمد. ما تستغربش إن ده حصل ليها.
فاطمة بنفس عميق
طيب أنا هكمل لوحدي. بس لازم نتصرف في الريحة دي والبول مش بيقف.
محمد
طب إيه الحل
فاطمة بصوت ضعيف
هحاول ألفها بالملاية وهنطلعها كده. ما فيش حل تاني.
ترجع تاني الاوضه وتبدأ تلف فوزيه بسرعة وهي بتعيط محمد
يحاول يدخل يساعدها لكنه بيتراجع بسبب الريحة
محمد من بره الاوضه
فاطمة إنتي كويسة
فاطمة بصوت متقطع
اه اه انا خلصت وهخرج بيها اهو بس اول مااطلع نخدها ونروح ندفنها علطول
تخرج فاطمة بعد ما خلصت الريحة مليا المكان وكل اللي في البيت بيغطوا مناخيرهم
سعاد بغضب
ريحتها بقت أسوأ مش هنعرف نطلع كده.
نجلاء
حتى النعش مش هيشيلها التربي هيهرب لما يشوفها كده.
محمد
كفاية كلام فارغ! اللي حصل حصل جهزوا نفسكم هنروح المدفن.
فاطمة بصوت ضعيف
محمد خليني أقولك حاجة. أنا عمري ما شفت منظر زي ده. ده مش طبيعي ده كأنه رسالة.
سعاد
رسالة إيه كلنا عارفين هي كانت عاملة إيه في حياتها. الظلم اللي عملته ما كانش هيروح هدر.
نجلاء
فعلا دي سففت ناس كتير التراب واللي حصلها ده أقل حاجة.
محمد بصوت غاضب
بس دي أمي! مهما كان ما حدش يتكلم عنها بالشكل ده.
فاطمة بحزن
محمد اللي حصل ده أكيد عقاب ربنا وحده اللي بيحاسب. إحنا علينا نخلص ونسلم الامانه لي صحابها
يبدأوا يتحركوا للمدفن والناس اللي حوالين البيت بتتكلم وتبص للنعش بقرف بسبب الريحة. محمد ساكت ومكسور وفاطمة مغمضة عنيها وبتدعي
فاطمة
يا رب سامحنا وسامحها وارحمنا يوم ما نيجي عندك.
في طريقهم للمدفن الجو مليان همس الناس الريحة ما زالت قوية وفاطمة قاعدة جنب محمد وهي مضايقة جدا من اللي شافته
فاطمة بتحاول تختار كلامها
محمد أمك الله يرحمها الظاهر إنها ظلمت ناس كتير في حياتها. الظلم ده ربنا بيرده ولو مش في الدنيا بيكون في الأخرة.
محمد بعصبيه
فاطمة! ده كلام يتقال دلوقتي!
فاطمة
أنا مش قصدي أوجعك والله بس المنظر اللي شفته ما ينفعش أسكت عليه.
يبص محمد على سعاد ونجلاء اللي قاعدين
ساكتين في العربية لكن ملامحهم واضحة إنهم متوترين
محمد
أنتو كنتو تعرفوا إن أمي كانت عاملة كده
نجلاء
أيوه كلنا عارفين إنها كانت بتظلم وتفتري على الناس خصوصا مرات أخوك االصغير
محمد بصوت متقطع
عشان كده طلقها
سعاد
أيوه أمك هي اللي خربت حياتها وخلته واتجوز بنت أختها بالعافية.
فاطمة بتحاول تهدي الجو
خلاص كل واحد هيتحاسب على اللي عمله وإحنا مالناش غير إننا نترحم عليها.
محمد بحزن
بس الناس كلها واخدة بالها النظرات الكلام اللي بيتقال أمي اتفضحت حتى بعد موتها.
سعاد بصوت واطي وحقد
هي اللي جابت ده لنفسها وما حدش فينا يقدر يغير اللي حصل.
العربية توقف عند المقابر والناس واقفة بعيد مش قادرة تقرب بسبب الريحة. التربي يجي ناحية محمد لكنه يوقف على مسافة
التربي بخوف
يا ساتر يا رب يا أستاذ محمد الجسه دي كده مش طبيعيه.
محمد. بتعب
أعمل إيه يعني ساعدني نخلص.
التربي بإحراج
انا قصدب يلا ندفنها بسرعة عشان ما ينفعش نفضل كده.
محمد يساعد التربي وفاطمة تقف بعيد تدعي ونجلاء وسعاد قاعدين في العربية ما بين نظرات شفقة وهمس مع بعض
فاطمة بهمس
يا رب ارزقنا حسن الخاتمة واسترنا في دنيتنا وآخرتنا.
محمد يرجع للعربية بعد ما خلصوا الدفن وشكله منهار وفاطمة تمسك إيده وهي بتحاول تخفف عنه
فاطمة
محمد اللي حصل حصل و انتهى وأمك دلوقتي عند ربنا وهو أرحم بيها من أي حد.
محمد بصوت مكسور
عارف بس مش قادر أنسى المنظر ولا نظرات الناس.
فاطمة
الناس بتنسى المهم دلوقتي إنك تاخد العبرة وتحاول دايما تكون أحسن.
العربية تتحرك وكل اللي فيها ساكتين الجو مليان حزن لكن فاطمة تفضل تدعي بصوت واطي والكل سامعها
فاطمة
يا رب ارحمها واغفر لها واهدينا
لطريق الحق.
فاطمة توصل البيت وهي مرهقة من اللي حصل تدخل وتشوف نوسة مرات أخو محمد الصغير قاعدة في ركن الصالة ووشها كله غضب وحزن وبتتحسب بصوت عالي
نوسة
يا رب خدلي حقي منها! يا رب زي ما ظلمتني وحرقت قلبي احرقها بنارك!
فاطمة تدخل عليها بخوف وهدوء
نوسة نوسة اهدي ربنا رحيم مهما عملت دلوقتي هي بين إيديه.
نوسة بحدة
متجيش تقوليلي أدعي ليهاا بالرحمة! إنتي متعرفيش حاجة! متعرفيش اللي عشته بسببها!
فاطمة تقرب منها
طب احكيلي يمكن أقدر أفهمك.
نوسة تنهار
فجأة وتبدأ تحكي بصوت مخنوق
فلاش باك
نوسة قاعدة في المطبخ بتطبخ وحماتها فوزية تدخل عليها بنظرات كلها تكبر
فوزية
إيه ده إنتي لسه هنا مش المفروض تكوني في أوضتك بدل