عشقت أبيه عمر بقلم إسراء ابراهيم
للاسف انت كنت مستنيني اغلط واقولك انت عندك حق انا مينفعش ابقي وسطيكم بعد كدة من انهارده انتو مش اكتر من جيراني وبس وانت ملكش عندي اي حقوق بعد اذنك
مشيت ملاك وسابت عمر هيتجنن وهو بيلف حوالين نفسه وبيفتكر كلامها ليه ومش عارف يصدق مين وازاي
عدي حوالي اسبوعين كانت ملاك مش بتروح ابدا عند منال ولا بتخبط عليهم وكانت مستغربة من تصرفاتها نسرين امها اوي بس محبتش تضغط عليها وفي يوم باب الشقة خبط جامد فراحت نسرين تفتح وكانت منال بتمثل انها بتعيط
منال بكدب الحقيني يا طنط نسرين امي تعبانة اوي ومغمي عليها ومش بترد عليا
نسرين بقلق يا ساتر يارب استني يا بنتي انا جاية معاكي يا ملاك تعالي يابنتي خالتك اسماء تعبانة
ملاك وقلبها بيتقبض خالتي اسماء
جريت ملاك معاهم وراحو لاسماء اللي كانت
واقفة في شقتها والضحكة علي وشها
اسماء بابتسامة لا ده واضح اني غالية اوي عندكم عشان تيجو تجرو عليا كدة
نسرين بصدمة اخس عليكم والله خضتوني ليه كدة بس
اسماء بابتسامة نعمل ايه ما بنتك مش بتكملنا ولا راضية تيجي عندنا فقولنا مفيش حيلة الا كدة يلا يا منال نادي اخوكي من اوضته عشان نتغدي
ملاك بتوتر معلي يا طنط اسماء اعذريني انا والله مش هقدر اكل حاجة بعد اذنكم
اسماء بزعل اخس عليكي يعني عاوزة تزعليني يا ملاك ده انا عملتلك الاكل اللي بتحبيه مش كفايا انهارده عيد ميلادي ومحدش عبرني
ابتسمت ملاك بهدوء وسابتهم ومشيت فزعلت اسماء وبصت لمنال بحزن بس اتفاجأت بملاك بتدخل تاني ومعاها
هدية حلوة وبتقرب منها
ملاك بحب اكيد مش هنساكي يا سومة يا قمر انا كنت هبعتهالك مع ماما انهاردة
اسماء بفرحة طب والله كان قلبي حاسس صحيح العشرة متهونش يا قلب خالتك يلا اقعدو بقي نتغدي
كان متابع اللي بيحصل عمر وعنيه علي ملاك وكان نفسه لو يتكلم
ملاك وهي بتقوم انا الحمد لله شبعت هروح اعلق عالشاي انا
دخلت ملاك المطبخ ومنال كانت مترددة تقول لعمر الحقيقة عشان يفهم ويصلح علاقته بملاك بس لقته قام دخل وراها فابتسمت براحة
كانت واقفة ملاك بتحضر الشاي لما انبتهت لصوت عمر من وراها
عمر بتردد ازيك يا ملاك
ملاك بهدوء من غير ما تبصله الحمد لله يا ابيه عمر
عمر بهدوء انا كنت عاوز اتكلم معاكي ينفع
ملاك باختصار مفيش كلام بينا يا ابيه لاني معنديش حاجة جديدة اقولهالك فياريت توفر علي نفسك التعب
عمر بابتسامة طب ممكن حتي تبصيلي
ملاك لفت وشها وبصت لعمر اللي كان باين علي عنيه الندم
عمر وهو بيقرب من ملاك ممكن اطلب منك طلب
ملاك بجدية اتفضل لو هقدر مش هتأخر
عمر برجاء ممكن تنسي اي حاجة حصلت ونفتح صفحة جديدة سوا ملاك انا صعب عليا اني اعرف عنك حاجة زي دي وعشان كدة كنت مصدوم
ملاك بدموع مش اصعب عليا انا لما اعرف انك مش واثق فيا وانك صدقت كلام عني رغم انك انت اللي مربيني وعارف انا ايه كويس لو كنت كلفت خاطرك وسألت عني كنت هتعرف انا ايه كويس يا عمر
عمر بابتسامة عشان كدة بقولك اني مش هسأل ومصدقك اي ان كان اللي حصل انا عارف انك مش كدة وعشان كدة مش فارقلي اي حاجة
ملاك بتردد حتي لو قولتلك اني مش مصدقاك
عمر بابتسامة مش مهم المهم اني انا مصدق اللي بقوله انا متأكد اني اخدت الموضوع بجدية اوي عشان انتي تهميني اوي وعشان انتي مهمة اوي بالنسبالي
ملاك بحزن بس مش اهم من البنت اللي كنت واقف معاها في الحفلة مش كدة ممكن اعرف البنت دي تبقي بالنسبالك
ايه
عمر باستفهام انت قصدك مريم دي زميلتي في الشركة علي فكرة وبينا شغل
ملاك بتردد واللي بينكم يخليك تقرب منها اوي كدة وتضحك من قلبك معاها
عمر برفعة حاجب لا واضح انك
ملاك بزعل لا خلاص مش مهم. براحتك اصلا
عمر وهو بيركز في عيون ملاك لو قولتلك ان مفيش بيني وبينها حاجة غير الشغل هتصدقيني
ملاك بخجل ايوة هصدقك
عمر بتنهيدة يبقي مفيش بيني وبينها حاجة يا ملاك صدقيني
ملاك ابتسمت بخجل وهي بتبص لعمر ووقتها قطعت كلامهم اسماء اللي قالت بخبث انتو نسيتونا برة علي فكرة يلا احسن الشاي هيبرد
ملاك بابتسامة اه خلاص هصب الشاي اهي يا سومة
ابتسم عمر بسعادة لانه صالح ملاك وانها مبقتش زعلانة منه وفضل وقف معاها وخرجو سوا بصنية الشاي بس وققت ملاك بصدمة بعد ما سمعت كلام اسماء
اسماء بمكر والله البنت زي القمر يا نسرين لو شوفتيها وكمان بنت صاحب ابوه يعني نعرفها كويس بس هو يوافق
منال باندفاع بس ابيه عمر مش بيحبها يا ماما واكيد مش هيوافق صح يا ابيه
عمر بص لملاك اللي بان عليها الحزن وحطت الصنية وقعدت بهدوء
عمر بغموض مش عارف يا منال انتي رأيك ايه يا ملاك تفتكري اوافق
ملاك بصوت مخنوق طالما البنت كويسة يا ابيه ليه لا
عمر بغموض امممم عندك حق عموما هفكر يا ماما اوعدك
زعلت ملاك وقامت بهدوء ومشيت وكانت متابعاها اسماء بفرحة بعد ما اتأكدت انها بتحب عمر ووقتها بصتله وغمزتله بعنيها فابتسم عمر بتلقائية
تاني يوم كانت واقفة منال في الكافتريا بتشتري ليها ولملاك اكل بس اتفاجأت بفادي واقف قدامها
فادي بتمثيل وحشتيني يا منال عشان تعرفي بس اني بحبك ومستعد اعمل عشانك المستحيل
منال بسخرية هو انت لسة فاكرني هبلة عشان تضحك عليا بالكلمتين دول انا خلاص فوقت يا فادي وعرفت انك احقر انسان قابلته في حياتي وصدقت ان في شياطين في هيئة إنس زيك كدة وان اللي بيحب بجد بيخاف علي اللي بيحبه اكتر
من روحه فصدقني المرادي انا اللي بقولهالك لو فكرت تتعرضلي تاني انا هخليك تكره
مشيت منال بعد ما خلصت كلامها وكان متابعها فادي بغيظ وغضب وبيبص حواليه بتوتر واحراج بعد كلامها ليه
عند ملاك كانت قاتدة مستنية منال بس اتفاجأت بعمر قدامها
مباك بصدمة وحزن انت لسة بتشك فيا عشان كدة جيت تتأكد
عمر بلهفة لا والله ابدا حرام تظلميني يا شيخة انا جيت اقولك اني بحبك واني هتجوزك من غير حتي ما اعرف رأيك
ملاك بتهتهةعمر انت قولت ايه
عمر بابتسامة جذابة اهي عمر دي اللي من غير ابيه بتثبتلي انك انتي كمان بتموتي فيا اسمعي يا ملاك انا لما حبيتك مكنتش قادر اميز هي حبي ده اخوة عشان انا اللي مربيكي ولا بس لما شوفتك مع الشاب في الحفلة وقتها اتأكدت انك ملكي واني مش هسمح لحد يشاركني فيكي ووقتها فهمت اني بحبك بس حب من نوع تاني
ملاك بابتسامة طب مش يمكن انا بقي مش بحبك وشايفاك ابيه عمر
عمر بتفكير اممم يمكن بس بعد ما سألتيني علي البنت اللي كانت في الحفلة اتأكدت ان مشاعرنا متبادلة وده اللي شجعني اني اتكلم تعرفي اصلا ان امي كانت مراهناني علي كدة قالتلي بتحبك وانا هثبتلك
ملاك بصدمة عشان كدة قالت اللي قالته يوميها ماشي يا سومة اما اشوفك
عمر وهو بيمسك ايد ملاك ها قولتي ايه
ملاك بخجل وقلبها بيدق وهو ينفع اقول رأيي بعد رأيك يا ابيه عمر
ابتسم عمر بسعادة مكنش مصدقها وكانت متابعاهم منال من بعيد وعلي وشها ابتسامة عريضة بتعبر عن فرحتها لملاك صاحبة عمرها فقربت منهم
منال بحب واضح ان الموضوع في احداث جديدة
عمر بابتسامة مش تباركيلي يا منال هتجوز المفعوصة دي اللي بتقولي يا ابيه
ملاك بتكشيرة انا مفعوصة طب خلاص نفضها سير وبلاش وشوفلك بقي واحدة عاقلة
عمر بضحك لا اشوف تاني ايه انا عاجبني اوي وعلي قلبي زي العسل يا حبيبتي
ابتسمت ملاك بخجل من كلمة حبيبتي اللي
فهم فغمز ليها بعنيه و بحب ومن جواه اسعد راجل في الدنيا
تمت
