عشقت أبيه عمر بقلم إسراء ابراهيم

متركزيش وصدقيني اللي زي دي مش من النوع المفضل لابيه عمر
ملاك والدموع في عنيها ايوة عشان كدة اهو وبيتوشوشو سوا انا همشي
منال بسرعة استني بس هتروحي فين 
ابيه عمر كدة هيزعق لو عرف
ملاك بعند مش مهم المهم اني امشي ومشوفش اللي يحرق دمي سيبيني يا منال والنبي
كانت هتمشي ملاك لما سمعت صوت عمر وهو بيقرب عليهم
عمر بابتسامة ايه واقفين كدة ليه
منال بلهفة دي مباك كانت زهقانة وعاوزة تمشي يا ابيه
عمر بابتسامة
طب ليه يا ملاك ده انا قولت الحفلة هتعجبك انتي بالذات
ملاك بحزن لا مش عاجباني انا عاوزة اروح ممكن خلي منال تبقي تيجي معاك
عمر بسرعة لا طبعا مينفعش تمشي لوحدك استني كلها ساعة ونمشي سوا
ملاك بسخرية لا متشغلش انت بالك بينا وخليك في الضيفة بتاعتك روحلها دي بتبصلك اهي هناك
استغرب عمر وبص لملاك بحيرة وكان هيتكلم بس قاطعه صوت منال اللي اتدخلت خلاص يا ابيه روح انت وانا وملاك هنستناك متقلقش شوف انت شغلك
ملاك بصت لمنال بغيظ وعمر سابهم ومشي فاتكلمت ملاك بانفعال انتي بتقولي كدة بناء علي ايه هاوزاني اقعد عشان حرق دمي يعني انتي بجد فظيعة
منال بخبث اهدي بس كدة واصبري علي رزقك مش انتي عاوزة تعرفي ابيه عمر شايفك ازاي استني وهخليكي تعرفي شايفة الشاب اللي هناك ده عمال يبصلك من بدري ومركز معاكي اوي وانا لاحظت ده يلا بصيله وابتسمي عشان يتشجع ويجي
ملاك بتردد انتي بتقولي ايه لا طبعا انا مش عاوزة كدة وبعدين ايه علاقة ده باخوكي
منال بغيظ ممكن تعملي اللي بتقولك عليه وانتي ساكتة يلا بصيله بقي والا مش هتعرفي ابدا ابيه عمر شايفك ازاي
بصت ملاك للشاب بتردد فابتسم ليها وقرب عليها فجأة
وكأنه ما صدق
الشاب بابتسامة اهلا انا طارق ممكن تشرفيني بالرقصة دي
منال بسرعة اه اه طبعا روحي يا ملاك يلا
طارق باعجاب اسمك ملاك حقيقي اسمك جميل اوي
ملاك بتردد ايوة
طارق ضحك بصوت عالي لدرجة انها وصلت لعمر اللي بص ناحيتهم وفجأة ملامحه اتغيرت وكشر بغضب وهو بيقبض علي ايديه وخصوصا اما طارق مد ايده ومسك ايد ملاك واخدها عشان يرقصه وقتها عمر محسش بنفسه وقرب منهم وشد ملاك من عمر ووقفها وراه فخافت ملاك اوي وندمت انها سمعت كلام منال
طارق بضيق انت مين وازاي تشدها بالطريقة دي انت اتجننت 
عمر بغضب مكتوم وممكن اتجنن عليك اكتر لو فكرت تلمسها تاني ويلا غور من وشي احسن ما هخلي فيك حتة سليمة
اتوتر طارق وخاف من كلام عمر فمشي ووقتها بص عمر لملاك بغضب
ملاك بلهفة والله يا ابيه انا مكنش قصدي ده هو اللي
عمر بحدة اخرررسي انتي فاكرة نفسك شبهم عشان تعملي كدة عارفة. لو كان انا كنت قتلته بسببك
ملاك بدموع عندك حق انا فعلا مش شبهم ومش زي البنت اللي كنت بتضحك وتهزر معاها عموما انا اسفة وهمشي
عمر اتنفس بغضب وهو مغمض عنيه ومسك ايد ملاك قبل ما تمشي وقالها بتحذير انا م فاضي لدلع البنات الماسخ ده يا ملاك تفضلي هنا مع منال لحد ما اخلص ونمشي واوعي تفكري تمشي من نفسك انتي فاهمه
ملاك بوجع فاهمة ممكن تسيبني انت بتوجعني
عمر بص لايده اللي ماسكة ايدي ملاك وسابها بهدوء فسابته وجريت علي منال وهي بتعيط فنفخ هو بغضب ومشي بس وقفه صوت فادي
فادي بسرعة مستر عمر ممكن دقيقة
عمر باستفهام مين حضرتك وعاوز ايه
فادي بابتسامة انا ابقي زميل منال في الكلية وشوفت حضرتك هنا بالصدفة وبصراحة ضميري خلاني قولت لازم اتكلم وانصحك 
عمر بسخرية تنصحني بأيه بقي ان شاء الله ياريت بسرعة عشان مستعجل
فادي بتلقائية طبعا طبعا انا بس جيت انبهك انك تاخد بالك من اختك منال لان ملاك مأثرة عليها في الجامعة والطلبة بتتكلم
عمر بانفعال انت بتقول ايه يعني
ايه بيتكلمو انت عارف بتقول ايه
فادي بتوتر اه صدقني عارف وعشان منال زميلتي فهي صعبانة عليا اصل ملاك مصاحبة شاب اسمه كرم مش كويس كدة وماشية معاه وانت عارف سمعة البنت مهمة ازاي ومنال دايما بتمشي معاها و
ملحقش فادي يكمل كلامه لما ضربه عمر بالبوكس في وشه لدرجة انه اترمي عالارض وده لفت انتباه الكل حتي ملاك ومنال اللي اتصدمو اما شافو فادي وعمر وقتها قرب منه عالارض وقاله بهمس غاضب لو فكرت تجيب سيرة منال وملاك تاني هندمك واوعي تفتكر اني هصدق عن ملاك اللي انت قولته ده لاني مش عيل لسة سنة اولي ففكر قرب منهم كدة وشوف انا هعمل ايه انت فاااهم
قام عمر وقرب من ملاك ومنال واخدهم ومشي ومنال كانت مرعوبة احسن يكون فادي قاله علي علاقته بيها 
في العربية كان بيسوق عمر وهو باين عليه الغضب ومنال كانت متابعاه برعب
منال بتهتهة هو ايه اللي حصل يا ابيه عمر
عمر بغموض وغضب مكتوم الزفت ده انتو تعرفوه
منال بصت لملاك وخافت ترد فردت ملاك بسرعة ايوة ده فادي زميلي انا منال متعرفوش
عمر بغضب واتكلمتو قبل كدة انطقي
ملاك بتردد ايوة هو سمعته مش قد كدة وحاول يضايقني قبل كدة وانا صديته هو قالك ايه يالظبط
عمر بغموض طب اياكي اشوفك بتتكلمي معاه تاني انتي فاهمة ولو هو حاول يتكلم معاكي انتي هتسيبيه وتمشي
ملاك وهي بتكلم عمر في المراية بتاعة العربية حاضر
منال بخوف طب هو قالك ايه عصبك كدة يا ابيه
عمر بانفعال وهو بيفتكر مقالش حاجة كلامي يتسمع فاهمين مفي حد فيكم يتكلم معاه
منال بخوف ححاضر يا ابيه
تاني يوم في الجامعة كانت واقفة منال قلقانة اوي وهي مستنية ملاك تخرج من الكافتريا وشوية وشافتها فعلا خرجت بس الغريبة انها شافت كرم بيقرب منها وبيتكلم معاها وكان واقف فادي من بعيد بيراقبهم فاستغربت منال وكانت هتروح لملاك بس اتفاجأت بعمر داخل من باب الكلية وبيدور بعنيه عليهم لحد ما شافهم واقفين سوا
كرم
بخبث ازيك يا انسة ملاك انتي مش عارفاني
ملاك بضيق طبعا عارفاك انت ديل الكلب اللي اسمه فادي افندم 
كرم بغيظ انا قولت بس اوضح الامور بينا عشان يعني متفتكري اني زي فادي
ملاك بضيق ميهمنيش وياريت تبعدو عننا وبعد اذنك بقي عشان وقفتنا دي مالهاش لازمة وانا محبش احط نفسي في شبهة مع واحد زيك 
كانت ملاك هتمشي بس اتفاجأت بكرم بيوقفها وهو بيمسك ايديها فاتصدمت وقبل ما تسحبها منه كان عمر واقف قدامهم
ملاك بتهتهة ابيه عمر انت فاهم غلط والله انا
عمر بغضب مكتوم استنيني في العربية
ملاك بخوف حاضر
مشيت ملاك وراحت لمنال اللي اخدتها وراحو ركبو العربية وكانت ملاك مرعوبة
منال بخوف وصدمة دي كانت لعبة من فادي انا شوفته وهو واقف بعيد بيضحك بخبث كان قاصد يخلي ابيه عمر يشوفكم
ملاك بدموع منال اوعي تقولي اي حاجة سيبيني انا هتصرف اوعديني انك مش هتتكلمي
منال بدموع كدة ابيه هيفتكر انك
ملاك بقوة مزيفة مش مهم خليه يفتكر هو مش اخويا وملوش حكم عليا فاهمة اوعي يا منال تتكلمي ارجوكي
قطع كلامهم صوت باب العربية وعمر اللي ركب وهو بينهج وكأنه كان بيحارب وساق بهدوء من غير ما يتكلم بنص كلمة ووقتها بصت منال لملاك بقلق وخوف لحد ما وصلو البيت فنزلو سوا وطلعو فوق بس قبل ما تدخل ملاك شقتها لقت عمر بيسحبها من ايديها وبياخدها معاه علي فوق السطح
منال بخوف ابيه عمر ملاك مالهاش ذنب
ملاك بانفعال منال اسكتي وادخلي امتي ملكيش دعوة دي مشكلتي انا مش انتي
عمر بغموض ادخلي الشقة يا منال ومتخرجيش منها
قال عمر كلامه واخد ملاك وطلعو السطح ووقف قدامها بغضب وقبل ما ملاك تتكلم كان عمر ضربها بالقلم علي وشها
ملاك بدموع انت مصدق نفسك طب مصدق اني ممكن اغلط ازاي
عمر بانفعال انا مش مصدق كلامهم بس مصدق اللي شافته عيني يا ملاك الظاهر اني اتخدعت فيكي
ملاك بسخرية لا انت مصدق كل اللي قاله عليا اللي اسمه فادي بدليل انك جيت تاني يوم الجامعة ورايا عشان تتأكد وصدقت اولول ما شوفتني
وكأنك بتبرر لنفسك تصرفاتك
عمر بغضب طب فهميني انتي ليه عملتي كدة. وليه الزفت ده
قالي عنك كدة واشمعني اجي الجامعة الاقيكي واقفة معاه وهو ماسك ايديكي فهميني
ملاك سكتت ومردتش علي عمر فاتعصب اكتر وزهق بجنون انتي ساكتة ليه اتكلمي دافعي عن نفسك قولي ان اللي شوفته غلط
ملاك بدموع ولو قولت هتصدقني لا يا عمر انت عاوزني اغلط انت لو فعلا واثق فيا وفي اخلاقي حتي لو كنت شوفتني بعنيك كنت هتكدبهم وتصدقني بس