عشقت أبيه عمر بقلم إسراء ابراهيم
عشقت ابيه عمر
مش ملاحظة ان الچيب دي قصيرة يا ملاك مش خايفة احسن ابيه عمر يشوفك بيها
ملاك بتوتر واخاف ليه بقي وبعدين هو ماله ومالي يا بنتي ده حيالله اخو صحبتي وجارنا بعني ملو عندي حاجة
منال بخبث ونسيتي تقولي انه هو اللي يعتبر مربينا يعني مش اخويا لوحدي ثم لو انتي مش خايفة اومال بتترعشي كدة ليه وعمالة تبصي حواليكي
ملاك بضيق يووه بقي يا منال انتي عاوزة تقلقيني وخلاص قولتلك اني مش خايفة بطلي بقي كلامك ده ويلا عشان هنتأخر عالجامعة
منال بضحك طب والله انتي مرعوبة مش خايفة بس كمان يلا ياختي انا جهزت
اتحركت ملاك بسرعة قبل ما يشوفها عمر اخو منال بس علي حظها قبل ما تفتح باب الشقة كان خرج هو من اوضته وشافهم
عمر بابتسامة صباح الخير يا بنات
منال بابتسامة صباح النور يا ابيه عمر انت جاهز بدري يعني انهاردة انا افتكرتك هتنزل متأخر
عمر وهو بيبص علي ملاك منا عندي انهاردة كام مشوار فقولت اخدكم معايا بالمرة بس ملاك شكلها كدة مش هتروح في حتة
ملاك بصدمة ليه يا ابيه عمر منا جاهزة اهو يعني اكيد هروح
عمر بتلقائية وهو بيشاور علي لبسها والله بصي لنفسك ول لبسك وانتي تعرفي عموما انا غيرت رأيي ومش هتروحي جامعة انهاردة يا ملاك ويلا علي شقتك
ملاك بسرعة طب خلاص يا ابيه هروح اغير هدومي لو سمحت انا عندي امتحان انهاردة
عمر ببرود قولت لا ويلا علي شقتكم
ملاك عنيها دمعت وردت بانفعال حضرتك ملكش حكم عليا انا البس اللي انا عاوزاه. انت مش واصي عليا ولا اخويا ولا ابويا عشان تتحكم فيا
قالت ملاك كلامها وسابت عمر ودخلت شقتها وكان متابعها هو بغموض
منال بعتاب ليه كدة بس يا ابيه ماهي كانت هتغير هدومها وخلاص
عمر بجدية عشان تتعلم تسمع الكلام من اول مرة وكمان عشان هي كانت عارفة ان ده هيبقي رد فعلي ومع ذلك عملت اللي في دماغها
منال باحباط طب انا هروح بس ازاي من غيرها كدة اليوم باظ
عمر بهدوء ولا باظ ولا حاجة يومك ملوش دعوة بملاك يلا عشان منتأخرش
اخر
نسرين بابتسامة هتفضلي قاعدة كدة يا ملاك مش بعادتك يعني ده انتي مش بتسيبي شقة خالتك اسماء ابدا ولا لسة زعلانة من اللي حصل الصبح مع عمر
ملاك بضيق متجيبيليش سيرة الشخص ده يا امي لو سمحتي انا معرفش هو بتحكم فيا بناء علي ايه اصلا هو مش اخويا عشان يعمل كدة
نسرين بابتسامة بس هو اللي مربيكي يعتبر من اول ما جينا هنا وانتي لسة خمس سنين وكان هو وقتها عنده اتناشر سنة وكان بيعاملك انتي ومنال اخته كأه مسئولين منه بعد كل السنين دي مش عاوزاه يقولك متلبسيش ايه وتلبسي ايه وبعدين انتي عارفة انك غلطانة لبستي الجيبة دي رغم انه محرج عليكي متلبسيهاش تاني صح ولا لا
ملاك بانفعال يوووه هو برضه مش ولي امري ثم انا مش نازلة ببدلة رقص دي چيبة يا ماما قصيرة شوية بس البوط مداري كل حاجة هو ماله بقي
نسرين بهدوء ماله انه شاب وفي الشارع وعارف الشباب بتبص للبنات علي ايه وعشان كدة مش عاوز حد يبصلك يبقي بدل ما نشكره نتخانق معاه انه خايف عليكي طب ازاي بس
ملاك بتفكير ايوة بس يا ماما انا
نسرين بابتسامة مبسش يا ملاك انتي غلطانة وكمان الكلام اللي قولتيه لعمر عيب وميصحش والمفروض هو اللي يزعل مش انتي ده يشكر يا بنتي انه خايف عليكي زي اخته
بصت ملاك لامها بتزمر وبعدين قامت غيرت هدومها وراحت شقة منال اللي في وشهم
منال بابتسامة عاش من شافك ياختي ايه ما صدقتي مروحتيش الجامعة
ملاك باحباط يعني هو بمزاجي سيبيني بقي احسن انا مضايقة اوي اني محضرتش الامتحان
منال بتوتر لا ماهو الدكتور مجاش ومخدناش امتحانات
ملاك بفرحة بجد طب الحمد لله والله فتحتي نفسي اما اشوف سومة عاملانا اكل ايه
اسماء بابتسامة وهي خارجة من المطبخ عاملالك مكرونة بشاميل اللي بتحبيها يا ملاك يا قمر
ملاك بفرحة بجد يا سومة والله انتي قمر وفتحتي نفسي ها هناكل امتي بقي
اسماء بحب
الاكل علطول هو زمانه علي وصول
مكملتش اسماء كلامها ودخل عمر من الباب
عمر بابتسامة السلام عليكم
اسماء بحب عليكم السلام يا حبيبي حماتك بتحبك يلا غير هدومك علي ما احط الاكل
عمر بحب لازم تحبني يا سومة مش انتي امي ايه اخبارك يا منال عملتي ايه في الامتحان
منال بكدب مأخدتوش يا ابيه الدكتور مجاش والحمد لله
عمر بابتسامة طب الحمد لله هدخل انا بقي اغير هدومي واطلع نتغدي
عدي عمر من جمب ملاك اللي عنيها دمعت لان عمر قصد يتجاهلها وكأنه بيعاقبها وبصت لمنال واسماء بحزن وهما بصولها بشفقة فسابتهم ومشيت دخلت شقتها بحزن
تاني يوم كانت واقفة منال قدام البيت وهي باين عليها الضيق والزعل وكانت مستنية عمر ينزل وفعلا شوية ونزل وكشر باستغراب لما لقي منال لوحدها
عمر بهدوء فين ملاك هي مجهزتش لسة ولا ايه
منال بضيق لا يا ابيه دي مشيت مرضيتش تستني وقالت انها عندها محاضرة مهمة ومشيت
عمر فهم انها زعلانة من تجاهله ليها فاتكلم بجدية تمام يلا بينا احنا عشان منتأخرش علي جامعتك
منال بقلة حيلة حاضر يا ابيه بس يعني لو ممكن تنزلي قبل الجامعة بشوية
عمر باستغراب ليه مش فاهم
منال بكدب اصل يعني في حجات هصورها من زميلتي وهي قالتلي هتستناني عند المكتبة اللي قبل الجامعة
عمر بتفهم طيب طيب يلا بينا
منال بحماس يلا
ركب عمر ووثل منال فعلا للمكان اللي هي عاوزاه وكمل طريقه لشغله بس كان عقله مشغول بملاك وتصرفاتها
ملاك كانت واقفة قدام المكتبة وهي بتبص حواليها وبتطمن ان عمر اخوها مشي لحد ما انتبهت لصوت من وراها
فادي بابتسامة وحشتيني يا مونمن
منال بابتسامة وانت اكتر اتأخرت يعني ده انا قولت هلاقيك مستنيني اومال ايه بقي خليني اشوفك ووحشتيني وكدة
فادي بغمزة بزمتك مش باين عليا اصلا انا كنت واقف بعيد ومستمي اخوكي يمشي عشان اعرف اجيلكها هنخرج سوا طبعا انهاردة
منال بتردد لا يا فادي مش هينفع. ابيه عمر اوقات بيجي
ياخدني انا وملاك ولو
فادي بضيق طب ما انتي بتبقي وحشاني يا منال ومش بقدر اقعد معاكي وجوة الجامعة علطول مكرهرباني بسبب ملاك دي اللي عاملة زي الحارس بتاعك
ملاك بابتسامة ما انت عارف ان ملاك رافضة اصلا كلامنا وشايفة يعني انك بتلعب بيا ومش مصدقاني لما بقولها انك بتحبني بجد
فادي بخبث والله ملاك شكلها لي الاخر هتطلع هي كمان عموما سيبك منها يلا تعالي نفطر سوا
منال برفض لا طبعا عندي. محاضرة وملاك اكيد زمانها مستنياني ومش هتدخل من غيري يا لهوي شوفت اهي بترن عليا
فادي بضيق يوووه. طب خلاص يلا تعالي ندخل بس وسط اليوم تتصرفي وتيجي نخرج نشرب اي حاجة شوا وندردش حاكم اني وحشاني اوي
منال بخجل حاضر يلا بقي احسن ملاك مش هتبطل رن عليا
كانت واقفة ملاك باين عليها الغضب وهي مستنية منال تدخل من باب الكلية وفعلا شافتها داخلة وبعدها بشوية صغيرة دخل فادي فاتعصبت ملاك اكتر وكانت منال متوترة اوي لانها شايفة نظرة ملاك ليها وفعلا اول ما قربت منهة شدتها ملاك من ايديها بغضب وقعدتها قدامها
منال بوجع ايه يا ملاك وجعتيني في حد يشد حد كدة
ملاك بحدة و لا مبالاه انتي كنتي فين
منال بتهتهة ما قولتلك كنت في المكتبه بصور حجات و
ملاك بانفعال كدابة يا منال انتي كنتي مع الزفت فادي لسة بتعرفيه رغم اني حذرتك منه وقولتلك انه مش كويس انتي ليه بتعملي كدة
منال بقوة مصطنعة لا مكنتش معاه وبطلي بقي تعامليني علي اني طفلة لاني مش هكدب يعني عليكي
ملاك بسخرية لا كدبتي يا منال زي ما كدبتي عليا وقولتيلي ان الامتحان اتأجل لان الدكتور غاب بس الحقيقة انك محضرتيش اصلا عشان تعرفي واتفاجأت من البنات انهم امتحنو
منال بتردد ملاك انا اسفة والله انا خفت اقولك اني لسة بقابل فادي عشان عارفه انك هتزعلي بس صدقيني هو بيحبني
ملاك بيأس لا يا منال فادي مش بيحبك لانه لو بيحبك بجد هيخاف علي
سمعتك وهيخاف حد يشوفكم سوا ويقول عليكي كلمة وحشة لكن
معاه ولو مش مصدقاني اسألي البنات هنا او اقولك
