اسكربت انتقام ولد عاشق كامل بقلم اسراء ابراهيم حصريا علي موقع لمحة

عاوزة اعرف ايه اللي حصل يا بنتي لما رجعتو كان باين ادهم انه متعصب هو انتو اتخانقتو
رهف بسرعة لا والله يا طنط انا وانا راجعة تهت ومكنتش لتقية الترابيزة بتاعتنا ووقتها قرب مني شاب وضايقني واتفاجأت بادهم بيحوشه عمي وبيضربه
ابراهيم بثقة جدع انه ضربه والشاب ده قليل الادب ويستاهل طبعا
رهف بحزن انا مكنتش عاوزة حاجة زي كدة تحصل والله انا اسفة
فوقية بصدمة يوه بتعتذري علي ايه بس هو يستاهل يا حبيبتي وجابه لروحه وادهم وكان لازم يدافع عن مراته متشغليش بالك انتي واطلعي ارتاحي وهو هتلاقيه رجع لوحده
سمعت رهف الكلام وطلعت علي اوضتها بس كانت قلقانة علي ادهم قوي ومنمتش خالص لحد الفجر لما لقت نفسها نعست من غير ما تحس
تاني يوم فاقت بخضة بس لقت نفسها في السرير فعرفت ان ادهم رجع فقامت جري تدور عليه فخبطت علي باب الحمام بس مفيش رد فعرفت انه نزل فغيرت هدومها بسرعة ونزلت تشوفه فين بس اتفجأت بيه قاعد مع نفس البنت اللي شافته واقف معاها امبارح وكانو برضه بيضحكو سوا ووقتها كشرت رهف بحزن ونزلت بهدوء فاخد ادهم باله منها وبصلها بس هي اتجاهلتهم ودخلت المطبخ بحزن
فوقية بابتسامة صباح الخير يا بنتي نمتي كويس
رهف بحزن صباح النور يا طنط اه نمت تحبي حضرتك اساعدك في ايه
فوقية باستغراب مالك يا رهف حساكي زعلانة ليه كدة
رهف بكدب لا انا مش زعلانة انا بس منمتش كويس فعلا المهم انا هعمل الفول والطعمية انا 
فوقية بصدمة فول ايه لا انتي تطلعي تقعدي مع جوزك وضيفته برة سيبك من الفطار انا هعمله اهو مع شهيرة بتساعدني
رهف باصرار لا انا مش هينفع اسيبك واقفة لوحدك ميصحش خليني اساعدك
فوقية باستغراب لا انتي شكلك فيكي حاجة تعالي معايا كملي انتي يا شهيرة
خرجت فوقية ومعاها رهف وقربت من ادهم والبنت اللي
معاه
فوقية بابتسامة ايه يا ادهم ما تقول لمراتك
دي حاجة يابني مش راضية تطلع تقعد ومصممة تساعدني
ادهم بتجاهل سيبيها يا ماما تساعدك وفيها ايه طالما حابة كدة
رهف بصت لادهم بحزن وسابتهم ودخلت المطبخ ووقتها فوقية بصت لادهم بعتاب وسابته ودخلت ووقف هو يبص لاثرهم بتفكير وجمود وشوية وخرجت رهف وبدأت ترص السفرة وكان متابعها ادهم بغموض
فوقية بابتسامة يلا يا حبيبتي الفطار نادي علي عمك ابراهيم يا رهف
طلعت رهف تنادي حماها ولما نزلت اتفاجأت بالبنت اللي مع ادهم قاة جمبه مكانها فقربت بهدوء وقعدت هي جمب حماتها اللي كانت متغاظة وبتبص لادهم اللي كان بيحاول ميبينش انه واخد باله من رهف
ابراهيم بابتسامة نورتي البيت يا بنتي انتي بقي كنتي زميلة ادهم فعلا
ريهام بدلع اه يا عمو انا وادهم كنا قريبين من بعض اوي ايام الكلية وما صدقت بصراحة شوفته في الفرح فكنت عاوزة اعرف اخباره
فوقية بغيظ اخباره انه اتجوز الحمد لله ومش اي حد دي رهف مراته زي القمر عقبالك ولا انتي متجوزة
ريهام وهي بتبص لرهف ببرود اه منا عرفت ظروف جواز ادهم وبصراحة صعب عليا اوي يا طنط بس مش مهم بكرة كل شئ يعدي
رهف حست كأنها اتكب عليها مية ساقعة ووقتها قامت بحزن واستأذنت منهم وطلعت علي فوق اما ادهم فاتفاجئ هو كمان من كلام ريهام واتأكد ان رهف اكيد زعلت واتجرحت 
ابراهيم بحدة خفيفة ومين اللي قالك الكلام ده يا بنتي ادهم 
ريهام بتوتر لا يا انكل انا عرفت من الناس اصلي كنت متابعاه من فترة قريبة
فوقية بسخرية ما ترسيلك علي حاجة متابعاه من فترة وعارفة اخباره ولا بقالك كتير مشوفتيهوش ومتعرفيش عنه حاجة زي ما قولتي من شوية
ادهم وهو بيقوم بعد اذنكم انا طالع شوية
فوقية بلهفة اطلع يا حبيبي لمراتك متقلقش الضيفة معانا
ريهام بصت لفوقية بضيق وسكتت ومقدرتش تتكلم
دخل ادهم اوضته وهو بيدور بعنيه علي رهف ومالقاهاش فتوقع انها في الحمام فقرب من الباب وخبط بهدوء وهو بيكلمها
ادهم بتردد رهف انتي هنا انا ممكن اتكلم معاكي
رهف بانفعال من غير ما تفتح لا مش ممكن ولو سمحت سيبني في حالي بقي مش عاوزه اتكلم مع حد
ادهم بضيق ماهو احنا هنتكلم يا رهف غصب عنك او برضاكي فاخرجي احسن والا هدخلك انا
ثواني وفتحت رهف الباب وهي بتبص لادهم بغضب فلاحظ هو عيونها المنفوخة وحمرا من العياط
ادهم بهدوء ممكن اعرف كنتي بتعيطي ليه
رهف بكدب بطني وجعاني خير في حاجة اتفصل قول كنت عاوز ايه
ادهم برفعة حاجب انتي ليه مصممة تخليني اقلب عليكي رهف اتعدلي واتكلمي معايا كويس انا جوزك
رهف بسخرية تصدق ضحكتني ومليش نفس اضحك بقولك ايه انا مش بخاف منك واوعي تفتكر اني هغلط نفسي عشان مش هيحصل
ادهم باندفاع لا غلطانة عشان قولتلك اني مستنيكي قدام الحمام ليه سيبتيني
ومشيتي طب افرضي كان الزفت ده عملك حاجة
رهف بسخرية اه انت بتقلب الترابيزة عموما انا مش غلطانة انا خرجت لقيتك واقف تضحك وتهزر مع البنت دي بدون اي حدود فسيبتك براحتك مأجرمتش ومع ذلك خفت عليك لكن انت اتجاهلتني بقالك يومين وكأنك بتعاقبني بس براحتك بس متستناش مني اعتذار لانك انت اللي المفروض تعتذر بعد اللي عملته معايا تحت دلوقتي
ادهم بتوتر انا عملت ايه دي. مجرد صديقة مش اكتر
رهف بانفعال صديقتك انت اديت لنفسك الحق وانك تصاحب بنت لكن انا اخدت مني موقف بمجرد ان واحد عاكسي وحتي مشوفتش موقفي منه انت ازاي كدة عموما دي حياتك وانا مليس اني اتدخل فيها لكن امها تهيني وتقلل مني وانت موجود صدقني عيب اوي وانا كنت قادرة ارد عليها
ادهم بنبرة صوت كلها رجاء رهف انا بجد مقولتش اي حاجة لريهام صدقيني انا معرفش هي عرفت منين واوعدك اني هاتصرف معاها
رهف بكسرة مش شاغلني يا ادهم بيه لان ده مش مكاني ولو انت قبلت عليا الاهانة فانا مش هقبلها علي نفسي عشان كدة انا طلعت احتراما لوالدك ووالدتك وبس
ادهم بتردد يعني افهم من كدة انك لسة زعلانة مني يا رهف انا بعتذرلك
رهف بجمود عشان ايه بتسأل عشان انت اتجاهلتني تحت وعاملتني كأني شغالة عندكم ولا عشان سمحت لضيفتك تهيني وتقلل مني انا كمراتك بتعتذر علي ايه يا ادهم بيه مينفعش حضرتك تعتذر مش دي طريقتك اللي كنت بتكلمني بيها من وقت ما جيت عالبيت ده عموما عادي متاخدش في بالك بس انا مش هرتاح غير لما اجيب حقي بعد اذنك
قالت اللي قالته رهف وسابت ادهم بيصرب اخماس في اسداس وكان حاسس انه تايه ومش عارف يعمل ايه فنفخ بغضب وخرج وهبد الباب وراه ورهف وقتها ابتسمت بتلقائية وانتصار
تاني يوم كان صحي ادهم من نومه ومالقاش رهف فاستغرب وتوقع اكيد انها تحت بتساعد امه كالعادة
فغير هدومه ونزل واول حاجة عملها دخل المطبخ بس مالقاش رهف فاتصدم وخرج ووقرب من امه بقلق
ادهم بقلق ماما صباح الخير مشوفتيش رهف
فوقية بثقة صباح النور يا حبيبي اه رهف عند اهلها
ادهم كأنه اتحول عيونه ضلمت وقبض علي ايديه بغضب وانفعال يعني ايه راحت عند اهلها ازاي تخرج من غير ما تقولي يعني ااييييه
فوقية بلهفة يا حبيبي اهدي هي راحت فين يعني ده عند امها هي كلنت نفسيتها زي الزفت وطلبت تروح و
ادهم بمقاطعة تقوم تروح من غير ما تقولي فاكراني مش راجل مش كدة 
ابراهيم من وراه بس انا عارف يا ادهم والبنت استأذنت مني مش عاجبك انا ولا مش مالي عينك ولا ايه
سكت ادهم باحراج وتوتر ووقف يبص لابوه بحيرة العفو يا بابا 
اكيد حضرتك الخير والبركة ايوة بس انا جوزها برضه ولازم تستأذن مني
ابراهيم بهدوء نسبي لو فعلا يهمك امرها مكنتش زعلتها انت اصلا عامل
كل ده عشان عارف انها زعلانة منك فخوفت تمشي ومترجعش
ادهم بهروب انا مش وحش ةوي كدة يا بابا بس انا لا يمكن افكر ائذيها صدقني يا بابا انا مش كدة ورهف انا معاملتهاش وحش ابدا ومش عارف هي واخدة مني موقف ليه
ابراهيم بقصد متأكد انك مش عارف يا ادهم عموما مش هضغط عليك بس ياريت تفكر كويس قبل ما ترجع تندم يابني 
ادهم بقلق طب استأذنك اني اروح اجيبها واوعدك اني هراضيها يا بابا
ابراهيم بخبث لا مش دلوقتي سيبها كام يوم تريح نفسها شوية مع اهلها ويشبعو منها وبعدين تبقي تروح تجيبها
ادهم نفخ بضيق وطلع اوضته بعد ما رد بطاعة علي ابوه ودخل اوضته هو ورهف وبص حواليه بصيق وهو بيتنهد بحيرة ومش متخيل انه لسة هيقعد كام يوم من غيرها واستغرب نفسه وقتها وتفكيره فيها واعترافه لنفسه انه اتعود عليها ومش قادر يقعد من غيرها لكنه مجبر يستني زي ما ابوه قرر فرمي نفسه باهمال وهو بيفتكر اخر كلام بينه وبين رهف وثد ايه كانت زعلانة منه هي ووقتها غمض عنيه بندم وقرر يتكلم معاها اول ما يرجعها بس اهم حاجة يعدو الكام يوم دول بسرعة الاول اهم حاجه
بعد يومين كانت قاعدة رهف سرحانة وهي بتفكر في ادهم وقد ايه هي مفتقداه لكنها متأكدة انه هو مش مفتقدها ولا فارقة معاه اصلا فاتنهدت وقتها بحزن لحد ما انتبهت لصوت امها وهي بتقعد جمبها
كريمة بحب القمر سرحان في ايه 
رهف بابتسامة هيكون في ايه يا ست الكل غير فرحتي وانا في وسطيكم
كريمة بحب يا بكاشة بتاكلي بعقلي حلاوة ماشي هعديها بس بجد بقي قو ليلي مالك انا امك وحافظاكي
رهف بتردد مش عارفة يا ماما تفتكري واخرتها هفضل عايشة حياتي كدة متجوزة واحد انا مفروضة عليه دايما صدقيني الاحساس وحش اوي 
كريمة باستغراب وانتي اللي همك احساسك انك مفروضة عليه ولا معاملته ليكي علي انك مفروضة عليه
رهف بتوتر
ايه يا ماما بس اللي بتقوليه ده وبعدين هتفرق يعني معاكي ما الاتنين واحد
كريمة بقصد لا مش واحد يا قلب امك تفرق لو انتي اللي كارهة انك مفروضة عليه عن ما تبقي انتي اللي كارهة وجوده وحساه هو اللي مفروض عليكي صارحيني يا رهف يا بنتي وريحي قلبي ادهم ده يالنسبالك ايه
رهف بتنهيدة حزينة كل حاجة يا ماما من وقت ما دخلت بيته وكلهم بيعاملوني كويس الا اخته بس انا عذراها بس كان هو الوحيد اللي كنت بحس اني اعرفه بقالي سنين كل وقت بيعدي بيقربني ليه اكتر حتي لو مش بالكلام بس كفايا اني مرتاحة في وجوده بس كل ده مش مهم المهم انه هيفضل شايفني البنت اللي اتجبر عليها واللي كانت في يوم من الايام اخوها السبب في