اسكربت انتقام ولد عاشق كامل بقلم اسراء ابراهيم حصريا علي موقع لمحة
المحتويات
وانا ليا تصرف معاها
رهف بسرعة لا خلاص انا مسامحاها لو سمحت متعملهاش حاجة لو سمحت
ادهم استغرب وفضل باصص لرهف شوية يمكن يفهم وبعدين اتنهد بحيرة وخرج
فوقية بترحاب يا اهلا وسهلا نورتي يا ام رهف
كريم بابتسامة بنورك يا حاجة تسلمي وتعيشي
ابراهيم بجدية لعل المشوار مكنش تقيل عليكم يا حج محمود
محمود بابتسامة الحمد لله يا حج ابراهيم كان طريق طويل صحيح لكن كله يهون عشان بنتي ونن عيني رهف
ابراهيم بابتسامة اكيد طبعا الغالية مرات الغالي يا ام ادهم خدي ام رهف وطلعيها لبنتها وحضري انتي العشا
فوقية بابتسامة متوترة حاضر يا حج اتفضلي يا ست ام رهف
ادهم كان قاعد وكان مستعد للي هيحصل دلوقتي بعد ما ام رهف تشوفها وتعرف اللي حصل فكان بيحاول يختار كلام يقوله عشان يبرر
الموقف بس قطع كلامه ابراهيم ابوه وهو بيتكلم
ابراهيم بجدية ايه يا ادهم مش هترحب بضيوفك ولا ايه يا ابني
ادهم بابتسامة بسيطة نورتو البيت يا حج محمود طبعا وانت يا سليم مش ناوي تتأهل انت كمان
محمود بابتسامة والله نفسنا بس نلاقيله بنت الحلال حاكم هو مش راضي بأي بنت بجيبهاله
ابراهيم بابتسامة مش يمكن حاطط في دماغه بنت معينة ولا ايه يا سليم يابني
سليم بجدية والله انا كل همي شغلي يا حج ابراهيم دلوقتي فمش مركز في موضوع الجواز ده خالص دلوقتي
ادهم بتأييد عين العقل خليك كدة ده رأي يمفيش احلي من انك تبقي سنجل
ضحكو كلهم وادهم كانت عنيه كل شوية بتروح لفوق بقلق
عند رهف اتخضت كريمة اول ما شافت شكلها وخبطت علي صدرها بصدمة وخوف
كريمة بصدمة يا لهوووي انتي ايه اللي حصلك انطقي يا رهف عملو فيكي ايه الناس دي يا بنتي
رهف بلهفة اهدي يا ماما ووطي صوتك والله مفيش حاجة الموضوع مش زي ما انتي فهمتي خالص
كريمة بغضب وخوف مفيش حاجة ازاي اللي معندهمش قلب عملو فيكي كدة انا لازم اقول لابوكي يشوف صرفة معاهم دول
رهف بسرعة لا يا ماما لو سمحتي اصلا محدش كلمني ولا عملي حاجة قولتلك. بالعكس دول ناس كويسين وبيعاملوني كويس هو بس حصل سوء تفاهم بيني وبين اخت ادهم وخلاص اتحل
كريمة بشك رهف انتي خايفة عشان كدة بتخبي عليا فهميني يا بنتي الحقيقة الله يرضي عنك ومتخافيش انا هقول لابوكي واخوكي تحت يجيبلوك حقك تالت ومتلت
رهف بتعب يووه يا ماما قولتلك مفيش حاجة ولو سمحتي دي حياتي وانا هحلها لوحدي انا مش صغيرة
كريم بحزن لا صغيرة يا رهف ده انتي قلب ابوكي واخواتك ومتعرفيش هما عاملين
رهف بابتسامة يبقي طمنيهم يا امي لو سمحتي متقوليش ليهم حاجة عشان الحقيقة
ان فعلا محدش لمسني هو بس كلن سوء تفاهم وخلاص عدي
كريمة بحزن قلبي مش مطمن عليكي يا رهف انا كنت جاية واملي يطلعو ناس ولاد حلال وميكونوش بيقبلو التار من واحدة ست ازاي بس يعملو فيكي كدة
رهف بابتسامة يا حبيبتي اطمني والله انا بخير وكويسة جدا وادهم بيعاملني كويس اوي علي فكرة وحنين جدا وزي ما قولتلك هو كلن سوء تفاهم مع اخته وخلاص راح لحاله وصدقيني لو انا فهلا مش مرتاحة كنت هقولك لا انزلي قوليلهم وخليهم ياخدوني معاهم وانا متأكدة
انهم هيعملو كدة بس خلاص ده بيتي ودي حياتي وانا مرتاحة هنا يا امي
كان ادهم واقف وماسك اوكرة الباب وسمع كل اللي قالته رهف لامها قبل ما يدخل ووقتها ابتسم بتلقائية وخبط ودخل وقرب
ادهم بابتسامة حبيبتي عاملة ايه انا قولت اجي اطمن عليها
رهف بتهتهة اانا كويسة الحمد لله
كريمة برجاء بنتي في عنيك يا ادهم لو سمحت ولو فعلا انت كويس معاها بس سمحت لحد يعمل فيها كدة وهي علي زمتك يبقي عيب يا بابن الناس لانها في حمايتك
ادهم بجدية انا عارف يا طنط واعتذرت لرهف ووعدتها ان ده مش هيتكرر تاني صح ولا لا يا رهف
رهف بهدوء ايوة يا ماما فعلا منا قولتلك بقي
كريمة بتنهيدة رينا يسترها عليكي يا بنتي يارب لو في اي حاجة كلميني علطول انا هنزل لابوكي واخوكي احسن يستعوقوني وهقولهم انك كويسة بس مش هينفع تنزلي عشان الاصول
خرجت كريم بعد ما خلصت كلامها ووقتها رهف بعدت عن ادهم باحراج وخجل وهو لاحظ ده فابتسم بجنب شفايفه وسابها وخرج ورا امها ووقتها حطت هي ايديها علي قلبها بتوتر وصدمة ومش مصدقة اللي هو عمله قدام امها
عدي كام يوم كانت رهف بتحاول تتجنب ادهم علب قد ما تقدر رغم ان معاملته ليه اتغيرت شوية وبقي في بينهم كلام بس مش كتير ورهف وقتها بقت تنزل تساعد حماتها
اللي كانت فرحانة اوي بده بس كانت كل خوفها
من رانة وانها ممكن تعمل حاجة تاني لرهف لانها من وقتها مش بتكلمها ولا بترضي حتي تقعد معاهم وهي موجودة كانت نايمة رهف بليل عالكنبة زي عادتها بس كلنت بتحلم بحلم وحش وكأنها في سجن مضلم ومش عارفة تهرب منه فكانت بتصرخ في الحلم لحد ما بقي في الواقع ووقتها صحي ادهم بخضة وجري عليها وحاول يفوقها بس رهف كانت مش حاسة بيه لحد ما فتحت عنيها فجأة وهي
ادهم بتوتر وهو بيطمنها
رهف بدموع وانهيار مش عارفة اخرج مش عارفة اهرب
ادهم بحنية هششش اهدي يا رهف ده حلم مش اكتر وانا جمبك اهو متخافيش
رهف فتحت عنيها انا خايفة متسيبنيش لو سمحت متسيبنيش
ادهم بهدوء مش هسيبك متقلقيش قومي تعالي هتنامي جمبي يلا
مشيت رهف مع ادهم بطاعة ونامت عالسرير وادهم قعد جمبها بس هي كانت متبتة في ايديه بخوف وهو وقتها ابتسم ليها بحنان وبدأ يقرأ ليها قرآن لحد ما رهف نعست تاني وهو من التعب نام هو كمان جمبها
تاني يوم فاقت رهف وملقتش ادهم جمبيها فافتكرت االي حصل امبارح فاتحرجت وقامت غيرت هدومها وخرجت عشان تساعد حماتها كالعادة بس وهي معدية علي اوضة رانة سمعتها بتتخانق مع ادهم وصوتهم عالي
ادهم بتحذير واياكي تفكري تيجي جمبيها يا رانة صدقيني مش هيعجبك ردي
رانة بغضب ايوة ما هي خلاص كلت عقلك وخليتك تقع انا عارفة انك خلاص نسيت اختنا وان البت دي السبب في موتها بقي هو ده اتفاقنا مش قولتلي انك هتوريها السواد وانك هتحاسبها علي اللي عملته في اختنا
ادهم رفع ايديه وضرب رانة بالقلم علي وشها مرة واحدة فشهقت رهف بصدمة اول ما سمعته
ادهم بغضب انتي الظاهر غضبك عماكي وخلاكي متفرقيش بين قلة الادب والاحترام واوعي تفكري تفتحي علينا باب اوضتنا تاني انتي فاهمة ومش هحذرك يا رانة لو قربتي من
رهف هتزعلي
خلص ادهم كلامه وخرج واتفاجئ برهف واقفة ودموعها محبوسة في عينيها ففضل باصص ليها بس هي سابته ونزلت علي تحت وهي بتمسح دموعها قبل ما تنزل وتسيب اثر علي خدها وكان متابعها ادهم بحيرة
تاني يوم كانت نازلة رهف من عالسلم بعد ما طلب منها ابراهيم حماها انها تجهز عشان هيخرجه كلهم فرح ابن صديقه المقرب ولازم عيلته كله تبقي موجودة وخصوصا مرات ابنه الوحيد كانت متوترة اوي رهف وهي نازلة وعيون الكل متثبتة عليها وخصوصا ادهم اللي اتنحنح باحراج وهو بيقرب من السلم وبيمد ايديه ليها فمسكت رهف ايديه بتردد وحست وقتها برعشة في جسمها واتوترت اكتر
فوقية بابتسامة ما شاء الله زي القمر يا بنتي ربنا يحميكي يارب
رهف بخجل شكرا لحضرتك يا طنط والله ده من ذوقك
اتحركو كلهم وادهم اخد رهف في عربيته فكانت قاعدة جمبه
ادهم من غير ما يبص لرهف تعرفي ان شكلك حلو
رهف ابتسمت بخجل شكرا ليك انت كمان شكلك حلو
ادهم بجدية تعرفي يا رهف يمكن لو كنا في زمان تاني ووقت تاني كانت هتبقي علاقتنا غير انا متأكد
رهف بحزن فهمت قصدك
تقول ان اختك الله يرحمها هتفضل دايما بينا عموما عندك حق بس انا متأكدة ان حتي لو كنا في زمان تاني مكناش هننفع بعض برضه
ادهم سكت بتنهيدة ورهف بصت بحزن للشباك وهي بتحاول تمنع دموعها انها تنزل وشوية ووصلو الفرح وقعد ابراهيم مع اسرته كلهم علي ترابيزة واحدة وكل شوية حد يجي يسلم عليهم ويعرفو ابراهيم علي رهف اللي كانت لتفتة نظر الكل بجمالها الطبيعي بدون مكياچ اوفر زي معظم اللي حاضرين فكانت رهف بتتفرج فعنيها جت علي رانة اللي كانت قاعدة بتبصلها بغضب وتوعد فخافت رهف وضغطت علي ايد ادهم من غير ما تقصد
ادهم وهو بيقرب بهمس مالك
رهف وهي بتسحب ايديها مفيش انا بس متوترة شوية ممكن اروح الحمام
قام
ادهم واخد رهق من ايديها واتمشو سوا وكانت متابعاهم رانة بغيظ
وصل ادهم رهف عند الحمام
رهف بحزن تقدر ترجع انت انا هرجع لوحدي خلاص عرفت الطريق
ادهم برفض لا طبعا انا هستناكي انتي خدي راحتك متقلقيش
دخلت رهف الحمام وكانت ايديها بتترعش من التوتر والخوف نظرات رانة كانت كلها توعد فكانت عارفة انها ناوية ليها علي نية فضلت رهف شوية عشان تهدا وبعدين خرجت بس حست بخنقة لما شافت ادهم واقف مع بنت حلوة اوي وبتضحك معاه بصوت عالي فاضايقت رهف اوي وسابته ومشيت بس معرفتش ترجع الترابيزة وكانت بتبص حواليها بتحاول تلاقيهم بس للاسف مش شايفاهم لحد ما لقت شاب بيقف قدامها
الشاب القمر تايه ولا حاجة
رهف بحدة وانت مالك. اوعي من وشي
الشاب كان لسة هيتكلم بس قاطعه ضربة من ادهم بعدته رهف خالص فشهقت هي بصدمة ورجعت لورا بخوف وهي شايفة ادهم بيضرب الشاب بغضب
ادهم بغضب عشان تبقي تفكر تلمسها تاني يا زبالة
الناس اتدخلو وحاولو يبعدو ادهم عن الشاب فادهم قرب من رهف وسحبها من ايديها ومشي بغضب لحد ما رجعو للترابيزة
ابراهيم بقلق ايه اللي حصل مالك يا ادهم
ادهم بغضب مكتوم مفيش حاجة اقعدي هنا واوعي تقومي من مكانك فاهمة
رهف بخوف ودموع حاضر
ادهم سابها ومشي ورهف كانت متابعاه بحزن وهي بتعيط بس لفت نظرها ابتسامة رانة اللي كلها شماتة وهي بصالها ففهمت رهف انها هي السبب في اللي حصل وانها هي اللي بعتت الشاب ده ليها فبصتلها بعتاب ودورت وشها
في اخر اليوم روحو كلهم ما عدا ادهم اللي من وقت ما سابهم ومشي وهو مظهرش تاني
فكلنت رهف مترددة تسأل عليه بحد ما جمعت شجاعتها وسألته بتردد
رهف بتردد لو سمحت يا عمي ممكن اعرف ادهم راح فين
ابراهيم بحيرة
فوقية
باستفهام انا
متابعة القراءة
