اسكربت انتقام ولد عاشق كامل بقلم اسراء ابراهيم حصريا علي موقع لمحة
اسكربت انتقام ولد عشق
واقفة لوحدك ليه يا عروسة ده حتي انهاردة يومك
رهف بخوف لو قربت مني هرمي نفسي من الشباك
ادهم سخرية وتفتكري وقتها هيقوله ايه رمت نفسها اكيد عشان خايفة تتفضح
رهف بغضب انا مش خايفة من حاجة انا عارفة نفسي كويس الدور والباقي عليك انت اللي الناس كلها عارفة انك متجوزني غصب عني
ادهم بشر ولا يهمني المهم اني عملت اللي انا عاوزه ودوقت اخوكي نفس الكاس اللي هو دوقهوني
رهف بصدمة وانفعال انت مجنون انت مصدق نفسك هوانا اخويا عمل معاك حاجة دي كانت حادثة وهو ميقصدش يقتل اختك انت بتقول ايه
ادهم بغضب عمل ولا معملش مش مشكلتي المهم اني اتبليت بيكي وللاسف هعرف اغورك من هنا
رهف بخنقة انت اللي اتبليت بيا ده انا عمري ما كنت اصدق اني في الاخر اتجوز راجل زيك شكلي عملت حاجة وحشة في حياتي عشان يحصل كل ده فيا
ادهم بانفعال طب عدي ليلتك عشان لو شوفتك بتقولي كلمة تاني صدقيني هتندمي
رهف خافت فسكتت وسحبت نفسها لاخر الاوضة وهي بتعيط اول ما افتكرت امها اللي كانت هتتجنن عليها وشوية وانتبهت لصوته وهو بيناديها فراحتله بسرعة
ادهم بانفعال انتي طارشة مش بنادي بقالي ساعة
رهف بخوف اسفة مسمعتش
ادهم بقرف حضريلي الحمام يلا وعاوز اخرج الاقيكي نمتي ومش مكاني طبعا فاهمة
رهف بانكسار حاضر حاجة تاني
ادهم بقرف لا يلا روحي شوفي قولتلك ايه
دخلت رهف الحمام حضرته ووقتها حست انها مكسورة اوي وكانت زعلانة من اهلها انهم حطوها في المكان ده وجوزوها للشخص ده خرجت بهدوء ووقتها شافت ادهم نايم عالسرير وتقريبا نعس فحمدت رينا في سرها وراحت عالكنبة ونامت بسرعة قبل ما يصحي ويزعق ليها
وفي الاول مكنتش عارفة تنام لحد ما من التعب نامت علطول
تاني يوم صحي ادهم وشاف نفسه عالسرير ففهم انه راحت
عليه نومة فبص علي رهف لاقاها نايمة عالكنبة فنفخ بغضب وقام اخد شاور ولبس هدومه ونزل ووقتها فتحت رهف عنيها واتنهدت براحة لانها كانت خايفة يزعق ليها ووقتها بس رجعت نامت تاني براحة اما. تحت فكان نازل ادهم بضيق وشاف امه قاعدة عالسفرة فقرب منها
فوقية بابتسامة صباحية مباركة يا عريس
ادهم بضيق متفكرنيش يا ماما انا مش عارف ازاي طاوعتكم في الموضوع ده غلبت افهمكم ان مينفعش اتجوز بالطريقة دي بس مفيش فايدة طب دلوقتب ايه اللي فرق بقي اختي هترجع يعني
فوقية بجدية لا يا ابني بنتي م هترجع خلاص بس انت عارف ان اهل ابوك صعايدة ولازم ياخدو طار بنتهم واحنا عارفين انها كلنت حادثة
ادهم بقرف بس انا مش طايقها كل ما بشوفها بفتكر اللي عمله اخوها والحادثة وكل حاجة
فوقية بعقل بكرة تتعود ولازم تفهم انها بقت مراتك يعني مينفعش تعاملها عفش عيب يا ابني وانت سيد العارفين ده تار يعني مينفعش البت تقولهم اننا بنعاملها وحش وقتها هيبقي شكلنا زفت قدام الناس كلها وبعدين عدي. تلات سنين يا ادهم خلاص يعني اللي حصل حصل وعدي لولا بس اهل البلد انهم كلنو لسة مصممين علي موضوع التار ده مكناش هنخليك تتجوز بالطريقة دي بس هنعمل ايه امر الله عشان كدة اوعي تعاملها وحش عشان خاطري
ادهم بضيق ان شاء الله يا ماما انا هروح الشغل انا عشان عندي معاد مهم اشوفك عالغدا ان شاء الله هو صحيح فين رانة
فوقية بابتسامة اختك في اوضتها من امبارح وهي قالباها مناحة كأنه كان عزا مش جواز
ادهم بتفكير ما انتي عاؤفة انها كانت بتحب نادين الله يرحمها يلا همشي انا وانتي ابقي اطلعيلها يا ماما لو سمحتي
فوقية
بابتسامة حاضر يا حبيبي متقلقش انت وروح شغلك وانا هتكلم معاها
كانا واقفة رهف مترددة تنزل ولا لا لحد ما حسمت امرها ولبست طرحتها ونزلت فكان البيت فاضي وهادي ورهف كانت بتتفرج حواليها عالفيلا وكانت مبهورة بيها لحد ما وقفت مكانها بصدمة وهي شايفة رانة قدامها وبتبصلها بغضب فخافت رهف وكانت بترجع لورا بخوف
رانة بغضب وتوعد اشمعني انتي عايشة انتي كان المفروض تموتي زيها انتي لا يمكن تعيشي انتي هتموتي زي ما اختي ماتت
رهف بدموع انا اسفة والله حقيقي اسفة لاختك وليكي بس انا مليش ذنب
رانة بصت لرهف بغضب اكبر ووقتها قربت عليها وبقت تضربها وتخربشها ورهف تصرخ بصوت عالي لحد ما رانة بقت تخنق رهف ورهف مكنتش قادرة تتنفس لولا ان فجأة فوقية سحبت رانة من فوقيها فبقت تتنفس هي بصعوبة وهي بتكك
فوقية بغضب انتي ايه اللي عملتيه ده انتي اتجننتي لا انتي فعلا جري لعقلك حاجة عاوزة تموتيها
رانة بغل ايوة سيبيني اموتها زي ما موتت اختي انا مش هسيبها
فوقية بغضب وصوت عالي رااانة فوقي لنفسك اللي بتقوليه وبتعمليه ده غلط غوري علي اوضتك بدل ما اتصرف تصرف مش هيعجبك انتي الظاهر انك اتجنتتي و انا سكتلك كتير
رانة بصت لرهف بغضب وسابتهم وطلعت وفوقية كانت باصة لرهف اللي حرفيا وشها اتدمر وكان شكلها فظيع
فوقية بأسف حقك عليا يابنتي معلش الصدمة لسة مأثرة علي رانة
رهف بدموع وانهيار وانا قولتلها اني اسفة واني مليش ذنب اعمل ايه تاني انا كمان فعلا مليش ذنب وجيت هنا غصب عني ومش عارفة ليه بيحصلي كل ده والله مش عارفة
فوقية بحزن معلش يا بنتي هو نصيب في الاول وفي الاخر فعشان كدة هتاخدي وقت علي ما تتأقلمي وعشان انا مش دايما هكون موجودة ياريت متنزليش من اوضتك الا مع جوزك فاهمة
رهف
بحزن انا قولت انزل اساعد حضرتك في عمايل الاكل ولاني متعودتش افضل قلعدة معملش حاجة
فوقية بحنان تعالي يابنتي قومي من الارض وتعالي اقعدي بصي اعتبريني زي امك ولا انتي معترضة
رهف بسرعة لا خالص يا هانم العفو حضرتك في مقام والدتي فعلا ربنا يحفظك
فوقية بابتسامة خلاص يبقي نتفق ان لو في اي مشكلة احكيهالي وانا هحلها متقلقيش مهما كان هو مين
رهف بابتسامة شكرا لحضرتك اوي انا كنت خايفة من مقابلتك بس الحقيقة حضرتك طلعتي كويسة اوي كويسة اوي
فوقية بتوتر وهي بتبص في الساعة طب اطلعي بقي غيري وحطي حاجة علي وشك المتبهدل ده وبعدين انزلي عالغدا عشان نتغدي بصي هبقي ابعتلك شهيرة تناديكي
رهف بابتسامة حاضر بعد اذنك يا طنط
طلعت رهف وهي بتتألم من اقر اللي حصل وكانت متابعاها فوقية بقلق وكانت خايفة من رد فعل ابراهيم جوزها لما يجي ويشوف اللي حصل لرهف لان اهلها جاين بليل يطمنو عليها
يلا يا محمود هنتأخر عالبت انا قلبي من امبارح مش مطمن وخايفة احسن يعملو فيها حاجة
محمود بتكشيرة انتي اتجننتي يا كريمة اكيد لا طبعا ده كلام رجالة هو لعب عيال ده اتفاق قدام البلد
كلها متقلقيش محدش هيقدر يلمس منها شعرة
كريمة براحة بسيطة طمنتني شوية بس برضه مش هرتاح الا لما اشوف بنتي بنفسي كويسة وزي الفل
محمود بثقة متقلقيش هتشوفيها وتطمني عليها وصدقيني لو حد لمس منها شعرة انا مش هيكفيني روحه
كريم بقلق رينا يستر يا محمود بس يعني بقولك ايه سليم هيجي معانا هو عاوز يطمن علي اخته وقلقان
محمود بثقة طبعا هيجي بس خالد لا مش عاوزين نفتح جرح قديم ما صدقنا انه اتردم ولو شافوه ممكن يفتكرو ومنخلصش
سليم من وراهم بجدية متقلقش يا بابا خالد مش هيجي انا بس اللي جاي معاك منا مش هسيب اختي كدة لازم نطمن عليها برضك
محمود
بجدية ربنا يخليكم لبعض يا ابني يلا
بينا نطمن علي اختك
عالسفرة كان قاعد ابراهيم وفوقية بعد ما حكتله اللي حصل واللي عملته رانة
ابراهيم بانفعال انتي بتقولي ايه ايه فوقية انتي عارفة معني كلامك ده ايه. يبقي
فوقية بخوف والله يا حج محستس ببنتك الا وهي فوق البنية ونازلة فيها ضرب وحوشتها من عليها بالعافية
ابراهيم بحيرة وغضب طب والحل دول قربو يوصلو هقولهم ايه هقولهم مقدرتش احافظ علي امانتكم سودتو وشي الله يسود وشكم
فوقية بخوف حقك عليا يا حج والله اللي انت عاوزه هيحصل بس متعملش في نفسك كدة
قطع كلامهم صوت ادهم من وراهم وهو لسة داخل من الباب في ايه يا ماما انتي وبابا صوتكم واصل لبرة الفيلا في ايه
ابراهيم بسخريةتعالي شوف اللي حصل واللي هيحصل بسبب غباؤكم يا استاذ انا مش قابلك متخرجش ومتروحش الشغل انهاردة كسرت كلمتي ومشيت لو كنت سمعت الكلام مكنش كل ده حصل ولا البت اتبهدلت
ادهم باستفهام انا مش فاهم مين دي اللي اتبهدلت وبعدين ما حضرتك عارف ان شغلي كش بقعد منه يا بابا ابدا
فوقية بتفسير اختك يا ادهم مسكت مراتك ونزلت فيها ضرب وبهدلتها خالص يا عيني واهو خلاص اهلها شوية ويوصلو ومش عارفين هنقولهم ايه البت في حمايتنا مكنش ينفع يحصل فيها كدة
ادهم بهدوء خلاص حصل يا ماما عموما انا هتصرف يا بابا متقلقش لو حد اتكلم انا االي هرد
ابراهيم بانفعال انت تسكت خالص انت لو بتسمع كلامي. مكنش كل ده حصل اتفضل اطلع اطمن علي مراتك وابقي اسمع انك عاملتها وحش انت كمان انت فاهم
كانت واقفة رهف وسامعة كل االي دار تحت وبعد ما كانت هتنزل رجعت تاني اوضتها وقفلت الباب ووقفت قدام المراية تشوف وشها المتبهدل والمتعور ووقتها دموعها نزلت بصمت
وفي نفس الوقت كان فتح ادهم الباب ودخل فمسحت دموعها هي بسرعة بس كان ادهم شافها واتفاجئ بحالتها
ادهم بجدية رانة عملت كل ده
رهف بسخرية شمتان مش كدة عموما اشمت براحتك مفيس مشكلة
ادهم بضيق لا انا مش شمتان علي فكرة ولو شمتان هقولك مش هخاف بس مش انا اللي اتمني اشوف بنت بالمنظر ده
مسحت رهف دموعها وسابته وراحت قعدت عالكنبة فدخل ادهم جاب علبة الاسعافات الاولية ورجع لرهف اللي كانت مستغربة االي هو بيعمله واتصدمت لما شافته بيقعد قدامها وبدأ يشوف جرح وشها ويطيبه ووقتها عنيهم اتقابلت فاتوترت رهف ونزلت عنيها في الارض وادهم اتوتر هو كمان بس حاول ميبينش
رهف بحزن انت بتعمل كدة عشان اهلي جايين مش كدة عشان كدة بتحاول تعالجني
ادهم ببرود انا لو مش عاوز اعمل كدة مش هعمل واهلك مش بيخوفو يعني عشان اخاف منهم ارتاحي شوية وانا احم بعتذرلك علي اللي عملته رانة
