حكاية جديدة كاملة الكاتبة ملك إبراهيم
قلبه اتقبض
بص لليلى
اللي واقفة مش فاهمة حاجة بس حاسة إن في حاجة كبيرة بتحصل.
رجع بصره لزهرة
صوته بقى واطي جدًا
وسبتيها تعيش كده؟ في الفقر ده؟
زهرة ابتسمت ابتسامة وجع
كنت بحاول على قد ما أقدر.
صمت تقيل نزل على المكان
صوت المطر برا بس هو اللي مسموع.
جواد أخد نفس طويل
وبنبرة مفيهاش نقاش
هتيجي معايا.
زهرة بصت له بصدمة
لا.
لا؟!
مش هرجع لحياتك تاني.
جواد عينه لمعت بغضب
دي مش حياتي لوحدي دي حياة بنتي كمان!
ليلى بصت بينهم بخوف
ماما إيه اللي بيحصل؟
جواد قرب منها بهدوء غريب
أنا
سكت لحظة وبعدين قالها بحنان عمره ما استخدمه قبل كده
أنا بابا.
الصمت انفجر.
ليلى عينيها وسعت
وبصت لزهرة
بجد؟!
زهرة سكتت دموعها بتنزل
وجواد مستني الإجابة
قلبه لأول مرة متعلق بكلمة من حد غيره.
الفصل الثالث
اللحظة واقفة
والهواء نفسه تقيل.
ليلى باصة لزهرة مستنية كلمة واحدة
وزَهرة قلبها بيتقطع بين خوفها وبين الحقيقة.
جواد صوته خرج هادي بس فيه
أمر واضح
قولي لها.
زهرة غمضت عينيها
وبصت لبنتها ابتسمت ابتسامة باهتة
آه يا ليلى هو بابا.
الدنيا سكتت.
ليلى فضلت واقفة لحظة
وبعدين جريت عليه فجأة
بجد عندي بابا؟!
جواد اتفاجئ بس لقا نفسه بيحضنها
حضن غريب عليه تقيل بس دافي.
إيده اترعشت وهو بيضمها
أول مرة يحس إنه مش لوحده.
همس لنفسه
معقول دي بنتي
ليلى ضحكت ببراءة
طب ليه ما كنتش معانا؟!
السؤال نزل عليه كأنه طعنة.
بص لزهرة
نظرة مليانة عتاب
اسألي مامتك.
زهرة قلبها وجعها
بس ما ردتش.
جواد قام وهو شايل ليلى بين إيديه
وبص لزهرة بنظرة حاسمة
جهزي نفسك إنتي والبنت هنمشي.
زهرة انتفضت
قولتلك مش همشي!
جواد قرب منها خطوة
نبرته بقت أخطر
وإنتي فاكرة إن عندك اختيار؟
آه عندي!
قالتها بقوة رغم ضعفها.
أنا اللي ربيت بنتي وأنا اللي هقرر تعيش فين!
جواد ضحك بسخرية خفيفة
في المكان ده؟!
بص حواليه باحتقار
ده مش عيشة بني آدمين.
زهرة بصتله بعناد
أشرف من عيشة الكذب والخداع اللي عندك.
السكوت ضرب المكان تاني
جواد عينه لمعت
بس
المرة دي مش غضب بس
جرح.
قرب منها فجأة
بص في عينيها مباشرة
أنا عمري ما كدبت عليكي إنتي اللي اختفيتي.
زهرة همست
وأنت عمرك ما فهمت.
ليلى بصت بينهم بخوف
هو إنتوا بتتخانقوا؟
جواد بص لها فورًا وهدى صوته
لأ يا حبيبتي إحنا بنتكلم بس.
وبعدين بص لزهرة تاني
بس المرة دي بنبرة أهدى
اسمعي اللي حصل حصل بس أنا مش همشي وأسيب بنتي هنا.
زهرة
وأنا مش هسيبها تروح مع واحد معرفوش.
جواد ابتسم ابتسامة غامضة
يبقى الحل سهل
سكت لحظة وبعدين قال
تيجي إنتي كمان.
زهرة هزت راسها بعناد
مستحيل.
جواد اتنهد وبعدين طلع موبايله
تمام.
ضغط على رقم وقال بهدوء
خمس دقايق وتكون العربية جاهزة قدام العمارة.
زهرة اتوترت
إنت بتعمل إيه؟!
قفل المكالمة وبص لها
بديكي فرصة تمشي برجلك بدل ما أضطر أخدك غصب.
زهرة قامت بالعافية من على السرير
مش هتقدر.
جواد قرب منها جدًا
لدرجة إن أنفاسهم بقت قريبة
جربي.
ليلى بدأت تعيط
ماما أنا خايفة
جواد قلبه وجعه
راح لها بسرعة وشالها
خلاص خلاص محدش هيزعلك.
بص لزهرة
صوته بقى أهدى بكتير
أنا مش عدوك يا زهرة أنا أبوها.
زهرة دموعها نزلت
بس عنادها لسه موجود
بس أنا أمها ومش هفرط فيها.
ثواني
والتوتر بيزيد
وفجأة
زهرة وقعت.
جواد اتخض وجري عليها
زهرة!
ليلى
مامااا!
جواد شالها بسرعة
حس بحرارتها جسمها سخن بشكل مخيف.
بص لليلى
هي كده بقالها قد إيه؟!
ليلى وهي بتعيط
من امبارح بس كانت بتقول هتبقى كويسة
جواد شد على سنانه
الغضب اتحول لخوف حقيقي
غبية
بس الكلمة طلعت بوجع مش إهانة.
شال زهرة بإيده
وبص للسواق اللي وصل تحت
افتح الباب بسرعة!
نزل بيها والمطر لسه نازل بغزارة
ليلى مسكة في هدومه ومش سايباه.
حط زهرة في العربية بحذر
وقعد جنبها ساند راسها على إيده.
همس بصوت واطي جدًا
مش هتموتي فاهمة؟ مش بعد ما لقيتك.
العربية اتحركت بسرعة
ليلى بصت له بخوف
ماما هتخف؟
جواد بص لها
وبص لزهرة
وقلبه لأول مرة مليان رعب حقيقي.
هتخف ان شاء الله .
وشد إيده على إيد زهرة
كأنه خايف تختفي منه تاني.
وبين صوت المطر
بدأت حكاية جديدة
مش فيها كبرياء
بس
لكن فيها خوف وحب بيتولد غصب عن الكل.
الفصل الاخير
العربية وقفت قدام مستشفى خاصة فخمة
جواد نزل بسرعة، شايل زهرة بين إيديه كأنها روحه مش بس جسمها.
الدكتور فورًا!
صوته كان عالي ومخيف خلا الكل يتحرك.
ليلى ماسكة في هدومه مرعوبة
ماما مش هتسيبني صح؟!
جواد بص لها بسرعة لأول مرة يحس بمسؤولية تقيلة بالشكل ده
مفيش حد هيسيبك طول ما أنا موجود.
دخلوا أوضة الطوارئ
الدكاترة أخدوها بسرعة والأبواب اتقفلت.
جواد وقف برا
إيده في شعره بيلف حوالين نفسه بعصبية.
أول مرة يحس إنه عاجز.
ليلى شدته من هدومه
بابا
الكلمة وقّفته.
بص لها
عيونها مليانة دموع وخوف.
نزل لمستواها ومسح دموعها بإيده
أنا هنا ومش هسيبك ولا هسيبها.
مر وقت تقيل
كل دقيقة كانت كأنها سنة.
الدكتور خرج أخيرًا
جواد جري عليه
حالتها
إيه؟!
الدكتور
واضح إنها كانت بتأجل العلاج بقالها فترة طويلة
جواد شد على دراعه
تتكلم واضح!
الدكتور بص له بجدية
هي عندها مرض في الكُلى والفشل بدأ يدخل مرحلة خطيرة.
الصمت نزل تقيل.
ولو ما اتعالجتش فورًا الحالة ممكن تسوء أكتر.
جواد صوته خرج واطي
العلاج إيه؟
محتاجة تدخل سريع ويمكن عملية والإمكانيات هنا محدودة بالنسبة لحالتها.
جواد من غير ما يفكر
نسافر.
الدكتور
ده أفضل حل
جواد لف بص لليلى
الطفلة واقفة بتسمع ومش فاهمة كل حاجة بس حاسة بالخطر.
قرب منها
هنسافر أنا وإنتي وماما وهتخف.
ليلى مسكت في إيده
وهنرجع كلنا
سوا؟
ابتسم رغم الألم
آه كلنا.
بعد يومين
جواد خلص كل الإجراءات
وسافروا بره على أفضل مستشفى.
أيام صعبة
تحاليل دكاترة قرارات
زهرة فاقت أخيرًا
فتحت عينيها ببطء
أول حاجة شافتها جواد.
اتوترت
أنا فين؟!
جواد قرب منها بهدوء
في أمان.
إنت عملت إيه؟!
بننقذ حياتك.
زهرة حاولت تقوم
أنا مش عايزة
جواد قاطعها بحزم
مش بمزاجك المرة دي.
سكت لحظة وبص في عينيها
سبع سنين ضاعوا مش هضيعك تاني.
زهرة دموعها نزلت
بس المرة دي ما اعترضتش.
العملية تمت
ساعات طويلة
جواد واقف برا نفس المشهد بس المرة دي قلبه متعلق أكتر.
ليلى نايمة على رجله
وهو
إيده ماسكة إيدها والتانية بتترعش.
الدكتور خرج أخيرًا
ابتسامة
خفيفة على وشه
العملية نجحت.
جواد غمض عينيه
وأول نفس راحة ياخده من سنين.
بعد شهور
زهرة واقفة في بلكونة
شكلها
اتغير صحتها رجعت لكن الهدوء لسه فيها.
جواد وقف وراها
المرة دي من غير غرور من غير أوامر.
لسه هتهربي؟
زهرة ابتسمت بهدوء
لأ.
لفت له
بس المرة دي أنا باختار.
جواد قرب خطوة
وتختاري
بصت له وقالت ببساطة
أكمل.
ليلى جريت عليهم
يلا بقى! إحنا عيلة دلوقتي!
جواد ضحك لأول مرة من قلبه
وشالها
أيوه عيلة.
بص لزهرة
نظرة مختلفة فيها حب حقيقي
مش ليلة واحدة
العمر كله.
زهرة عينيها لمعت
والمرة دي ما سكتتش
وأنا موافقة.
حصري صفحة الكاتبة ملك إبراهيم
النهاية
