عاد لينتقم حكايات علي ابو الدهب

أمي حاولت ترسم الابتسامة بسرعة وقالت بتلعثم جبريل! يا حبيبي حمد لله على السلامة.. إنت جيت إمتى؟ ده.. ده نور كانت بتحب تتسلى في المطبخ، إنت عارفها بتحب النظافة..
قاطعتها بزعيق تتسلى؟! بتبعتيلي صورها وهي لابسة فساتين وبتقوليلي إنها نايمة بترتاح، وإنتو مشغلينها خادمة؟ وفين الشغالات اللي ببعت رواتبهم كل شهر؟
فايزة ردت بوقاحة وهي بتحاول تدافع عن نفسها يا جبريل دي واحدة ملقطة، مالها ومال العز؟ الفلوس دي إحنا أولى بيها، وبعدين هي أصلاً وافقت.. صح يا نور؟ وبصت ل نور بصه تخوف.
قرار جبريل
بصيت ل نور، لقيت إيديها خشنة من المنظفات
والشقاء، وعينيها منكسرة. عرفت إنهم كانوا بيهددوها عشان ما تتكلمش.
طلعت تليفوني واتصلت بمدير البنك وبالمحامي بتاعي قدامهم
يا متر، الغي

التوكيل العام اللي كنت عامله لوالدتي ولأختي فوراً.
وقّف كل الكروت الائتمانية اللي معاهم.
الفيلا دي تتكتب باسم مراتي نور النهاردة.
أمي صرخت إنت بتطرد أمك عشان حتة حتة فلاح..!
قاطعتها بهدوء مخيف أنا مش هطردك يا أمي، لأن دي مش أخلاقي. بس من النهاردة، مفيش مليم هيتدفع في البيت ده غير ل نور.. وإنتِ وفايزة، لو عايزين تعيشوا هنا، هتعيشوا بقوانين نور.. هي صاحبة البيت، وإنتو ضيوف.
أخدت نور في حضني، وطلعت الشنط والهدايا اللي كنت جايبها، ولبستها الدهب قدامهم. ومن اليوم ده، جبريل ورى أهله إن الأصل الطيب ملوش علاقة بالفلوس، وإن اللي يكسر مراته ويذلها في غيابه، ملوش مكان
في حياته.
نور رجعت ملكة فعلاً، بس المرة دي.. ملكة بجد في بيتها وبحماية جوزها اللي عرف قيمتها
مرت الأسابيع، والحال اتبدل تماماً. جبريل منفذش تهديده بالطرد بس، هو نفذ ما هو أصعب.. تطبيق العدل.
جبريل جاب طقم شغالات كامل، ومنع نور إنها تمد إيدها في أي حاجة في البيت، وقال لأمه وأخته قدام الكل نور هنا هي ست البيت، كلمتها هي اللي تمشي، وإذا كان عاجبكم. فايزة مكنتش قادرة تتحمل إنها تشوف نور قاعدة زي الملكة وهي محرومة من الفلوس اللي كانت بتصرفها يمين وشمال، فقررت تسيب البيت وتروح تقعد عند واحدة صاحبتها، بس الصدمة إن صاحبتها الغنية لما عرفت إن فايزة مابقاش معاها فلوس ولا برستيج، اتخلت عنها وقفلت الباب في وشها، فرجعت لبيت أخوها وهي ذليلة ومنكسرة.
أما الحاجة كريمة، ففضلت قاعدة في أوضتها، بتشوف نور وهي بتعاملها بكل أدب
وأصل، بالرغم من كل اللي حصل. نور مكنتش بتنتقم، بالعكس، كانت بتبعت لها الأكل والشرب لحد عندها، وده اللي كسر عين الأم وخلّاها تحس بقد إيه كانت ظالمة وقليلة أصل مع بنت الأصول دي.
وفي يوم عيد جوازهم..
جبريل حجز مطعم كامل ليه هو ونور، وقدم لها مفتاح جناح خاص في أكبر فندق في دبي، وقال لها يا نور، أنا مش بس هعوضك بالفلوس، أنا هعوضك بوجودي.. أنا قررت أنقل شغلي هنا في مصر عشان أكون جنبك، ومحدش يجرؤ يكسر لك عين مرة تانية.
نور دمعت وقالت له أنا مكنش فارق معايا التعب يا جبريل، أنا كان فارق معايا إنك صدقتني ونصرتني.. الفلوس بتروح وتيجي، بس السند هو اللي بيفضل.
اتعلمت فايزة وأمها إن الفلوس بتعمل منظرة كدابة، بس الأصل هو اللي بيعمل قيمة للبني آدم. وعاش جبريل ونور في الفيلا اللي كانت سجن، وبقت بفضل حبهم وعدل جبريل.
. جنة حقيقية.
تمت.