اسكريبت عشقت طفلة كامل بقلم اسراء ابراهيم

واقفة بتعدل طرحتها قدام المراية لحد ما دخلت عليها كريمة
كريمة بقلق خلصتي يا جودي يلا عشان عمك تحت من بدري ومستنينا
جودي بتلقائية اه يا ماما خلصت بس مش غريبة يا ماما عمي عاصم يعزمنا علي الغدا دي معجزة اساسا
كريمة بحيرة والله من امبارح بفكر بس مش عارفة الاقي سبب عموما هيبان يا خبر بفلوس بكرة يبقي ببلاش
جودي بابتسامة علي رأيك يا ماما يلا بينا بقي عشان الحق اساعد مرات عمي احسن زمانها مشغولة بتحضير الاكل
كريمة بتردد طب وهتعملي ايه مع جاسر انا خايفة عليكي
جودي بقوة وخايفة عليا من ايه بس يا ماما متقلقيش انا خلاص اتخطيت جاسر واتقبلت حقيقة انه شايفني بنت عمه واخته وخلاص نسيته اساسا
كريم بشك ربنا يكملك بعقلك يا رب يا بنتي ايوة كدة خلينا في الجامعة اللي كمان يومين
جودي بتصنع القوة ايوة يا كيما علي رأيك ده اهم حدث في حياتي يلا بقي خلينا ننزل اصلي جوعت اوي
كريمة بابتسامة مفجوعة والله يلا بينا ياختي يلا قبل ما نسمع كلمتين من عمك ملهومش لازمة
عالسفرة كانت قاعدة جودي باصة في طبقها ومش مركزة في اي حاجة بتتقال وحاولت تتجاهل جاسر ووجوده وده خلاه يضايق وخصوصا انها سلمت عليه بجدية باحتة غير عادتها
عاصم بابتسامة ساكتة يعني يا جودي مش بعادتك
جودي بانتباه ها لا مفيش يا عمي انا بس سايباكم بتتكلمو براحتكم
عاصم بقصد كبرتي يا جودي وبقيتي عروسة ما شاء الله
جودي باستغراب وهي بتبص لامها شكرا
يا عمي وبعدين انا في الجامعة اهو يعني اكيد فعلا كبرت
جاسر كان باصث لابوه بشك وبيحاول يفهم هو يقصد ايه
عاصم بابتسامة انا لحد من يومين مكنتش مصدق انك كبرتي كدة بس لما حد طلب ايديكي مني وقتها عرفت انك كبرتي فعلا
جودي بصت لعمها بصدمة وتوتر وكمان كريمة اللي ردت بسرعة وجدية هي فعلا كبرت يا عاصم بس انا بنتي هتكمل تعليمها هو المهم دلوقتي
جاسر مكنش مصدق اللي بيحصل وان فعلا ممكن يكون في عريس متقدم لجودي فرد بتلقائية استني بس يا مرات عمي تعليم ايه اللي بتقوليه بابا جودي لسة صغيرة ازاي حضرتك تفاتحها في حاجة زي دي
بصتله جودي بغضب وهي عنيها بتطلع شرار من كلامه اللي استفذها وقبل ما ترد كان رد عاصم عليه
عاصم بجدية جودي مش صغيرة يا جاسر وسنها ده الطبيعي انه يجيلها عرسان فيه وعشان كدة انا طلبتها عشان اعرف رأيها ايه ها يا جودي انتي شايفة ايه 
كريمة باندفاع بنتي مالهاش رأي يا عاصم لاني مش موافقة وانا مش عاوزاها تتجوز انا حرة اقولك هخليها تعنس جمبي
عاصم بحدة وان بسأل بنتك يا كريمة واعرفي انها لو موافقة مهما كان رأيك مش هيهمني وانتي عارفاني كويس وعارفة طبعي
وردة بتوتر اهدو يا جماعة ده الكلام اخد وعطا وانتي يا كريمة مش نعرف العريس ده مين مش يمكن يطلع حد كويس
جودي كانت باصة لجاسر بغضب من كلامه اللي قصد يجرحها بيه لتاني مرة وانه رفضها وكمان عاوز يتحكم فيها فردت باندفاع من غير ما يهمها اي حد
جودي بقوة مرات عمي عندها حق يا ماما مش لما نعرف مين العريس ده الاول
جاسر بانفعال انتي اتجننتي يا جودي عريس ايه بطلي هبل
جودي بقوة انت
اللي بطل بقي تحكمات وبعدين حضرتك مالك ومالي انت بس ابن عمي لكن مش ولي امي فياريت متدخلش في حياتي وقرار ارتباطي ده انا حرة فيه انت فاهم يا يا ابيه جاسر
جاسر بص لجودي بصدمة ومكنش قادر ينطق ووقتخا اتكلم عاصم بفرحة عين العقل يا جودي يا بنت اخويا العريس يبقي مراد ابن عمك شريف صاحبي
جاسر بغضب اعمي نعععععم مراد انت عارف مراد ده كويس ده مينفعش 
ابدا
جودي بعند وهي بتربع ايديها انا موافقة يا عمي
جاسر سكت مرة واحدة وهو باصص لجودي ومكنش متخيل انها توافق فعلا علي اي عريس وخصوصا مراد لانه كلن بيشوف نظراته ليها ومكنش بيعجبه اخلاقه لانه عنيه زايغة وهو عارفه كويس وعارف اخلاقه قام جاسر بهدوء بعد ما رمي نظرة غضب لجودي وسابهم ومشي ووقفت كريمة هي كمان زهي بتبص لجودي بغضب
عاصم بفرحة برافو عليكي يا جودي هو ده القرار الصح علي خيرة الله يا حبيبتي
كريمة بغضب جودي يلا قدامي لينا كلام لوحدينا
جودي بصت لامها بتوتر ومشيت معاها وكان متابعهم عاصم بفرحة لان جودي وافقت واللي فكر فيه هيحصل وبكدة اكبر خطوة عدت علي خير بس في نفس الوقت كانت متابعة وردة رد فعل عاصم بشك وهي مش فاهمة حاجة بس حاسة ان الموضوع في إنة
ممكن افهم ايه اللي حصل تحت ده انتي اتجننتي ولا خلاص مبقاش ليكي ام وبتاخدي قراراتك من نفسك
جودي بسرعة العفو طبعا يا ماما ليه حضرتك بتقولي كدة وبعدين هو حصل ايه لكل ده بس
كريمة بانفعال حصل ايه بت انتي عاوزة تجننيني انتي وافقتي عالعريس ده عشان تغيظي جاسر مش كدة
جودي بتوتر لا طبعا اصلا جاسر انا خلاص
نسيته يا ماما وبعدين انتي يعني مشوفتيش تحت كان بيتكلم وبيتحكم فيا ازاي انا رديت بس عشان اثبتله اني مش تحت امره وانه مش واصي عليا
كريمة بغيظ تقومي توافقي علي العريس اللي جايبه عمك اللي اصلا منعرفش اصله ولا فصله انتي غبية وغباءك ده هيضيعك بس انا بقي مش هسكت ومش هتمم الجوازة دي
جودي بضيق والله انا مفكرتش وقتها بقي في كل ده انا كان كل همي ارد كرامتي اللي جاسر كان عاوز يهينها وحتي مركزتش في حاجة تخص العريس ده
كريمة بانفعال اسمعي يا بت انتي انتي هتنزلي معايا بكرة وتقولي لعمك انك مش موافقة فاهمة واياكي يا جودي اسمع حسك ولا تعترضي
جودي بضيق حاضر اللي حضرتك تشوفيه بس انا
مكملتش جودي كلامها لما الباب خبط فراحت كريمة تفتح بضيق ولقت جاسر واقف قدامها بس كان باين عليه الغضب واول ما شافته جودي اتوترت 
كريمة بهدوء شوفت اللي ابوك عاوز يعمله يا جاسر عاوز يتحكم في بنتي عاوز يجوزها من غير اذني كأني مت
جاسر بغضب وهو بيبص لجودي مش بابا لوحده اللي عليه اللوم يا مرات عمي لو كانت بنتك رفضت مكنش هيقدر يجوزها غصب عنها
جودي بقوة مصطنعة انا وافقت وخلاص ايه غلطت في ايه يعني وبعدين هو عمي هيجيب حد وحش ولا انت مش شايف غير رأيك اللي صح وبس
جاسر بنفاد صبر انتي كمان ليكي عين تتكلمي مش بتشوفي انك غلطانة ابدا
جودي ببرود والله انا مش غلطانة انا حالي عريس ووافقت عليه ايه مشكلتك انت
جاسر بص لجودي بغضب ورد ببرود وهو بيبص لكريمة مرات عمه انا هقولك الكلام ده يا مرات عمي ومليش دعوة بعد كدة بأي حاجة مراد اخلاقه مش تمام ومن الاخر كدة مش بتاع
جواز فاكيد في حاجة غلط انا عملت اللي عليا
وبراحتكم
مشي جاسر بعد ما خلص كلامه وكانت واقفة متابعاه جودي بغيظ وامها بصدمة
كريمة بصدمة سمعتي اللي قاله ابن عمك لسة مصممة علي