مرات ابويا

وفين ااه ما انتي في وشي دلوقتي اي حاجة تحصل هيلبسوني فيكي ااه وانا مش ناقصه مصايب
هيام
هو انا يعني هشتغل ايه ما انتي اكيد هتعرفي اي شغلانة هشتغلها انتي هتبقي عارفاها عن اذنك
عتمان
بقولك ايه اوعي حد يعاكسك ماشي اي حد يكلمك تعالي لي علطول وانا بقا اللي هجيب لك حقك منه انتي وراكي رجاله
روحيه
جرا ايه يا عتمان انت بتقولها ايه البت دي
عتمان بارتباك
ها لا لا مفيش يا حبيبتي مش بقول حاجة خالص المهم بس انتي سبيها تشتغل واهي برضو تصرف في البيت
روحية
انا بقول كده برضو
ونزلت رحت عند اماني صاحبتي اللي عندها اتليه فساتين وقولت لها
هيام
ازيك يا اماني ده وحشاني اوي انا قولت اعدي عليكي اشوف كده يمكن الاقي شغل ليا عندك
اماني
اهلا يا هيام ازيك يا حبيبتي ايه يا بنتي من يوم ابوكي ما راح وانتي ولا حس ولا خبر كده
هيام
اعمل ايه بس يا اماني انتي متعرفيش اصلا مرات ابويا وتحكماتها فيا عامله ازاي
اماني
هو انتي قاعده مع الوليه دي ليه هي مش اتجوزت وبقت مع واحد تاني انتي قاعده معاها ليه
هيام
اومال هاروح فين بس يا اماني ما انتي عارفه ان دي شقة بابا بس للاسف هو كتبها باسمها
اماني
ازاى الكلام ده معقولة يعني انتي تقصدي ان ابوكي الله يرحمة بعمل فيكي كده ليه هي يعني روحية هتكون أغلى عنده منك لا يا هيام الحكايه دي فيها انه
هيام
ولا ان ولا اخواتها بقا هعمل ايه بس يا اماني اهي اخدت الشقه وخلاص وكمان اتجوزت انا بقا هاجي دلوقتي وادور ربنا يسامحها بقا ولا ميسمحاش
اماني
هتفضلي طول عمرك سلبية كده دوري على حقك يابنتي متسكتيش على العموم الاتيلية
هنا مكان يا حبيبتي وتقدري تشتغلي فيه زي ما انتي عايزة
هيام
هو ده العشم برضو يا اماني ربنا ما يحرمني منك يا حبيبتي انتي أعز صديقة عندي والله
وبعدها خلصت شغل ورجعت البيت وكانت روحية نايمة وعتمان كان قاعد وقالي
عتمان
حمد الله على السلامة يا عروسة ده البيت نور من تاني والله
هيام
طيب عن اذنك بقا عشان ادخل اوضتي
وسبتة ودخلت اوضتي وقفلت على نفسي وفضلت اعيط كتير لحد لما نمت والصبح قومت اروح الشغل وروحية قالت
روحية
جرا ايه يا سنيورة هو انتي بقا بقيتي خلاص بسبس ومان اللي بيقولو عليها دي ومبقناش نشوف خلقتك معانا هنا ولا ايه
هيام بتريقة
بسبس ايه يا روحيه ههههه طيب لما تعرفي تنطقيها الأول ابقي تعالي اتكلمي معايا عن اذنك انا رايحة شغلي
ومشيت وهي قالت لعتمان
روحية
شوف ياخويا البت بتتريق عليا ازاي هو انا مش كده قولتها صح ولا لا
يا عتمان ولا هي فاكراني جهله
عتمان
لا طبعا يا قلب عتمان ده هي اللي جاهلة وستين جاهلة كمان سيبك منها ياروح الروح
وانا روحت الاتيلية وجات عروسة ومعاها خطيبها وحماتها واخت العريس والبنت قالت
سارة
شوف كده يا شريف الفستان ده عجبني اوي انا خلاص هاخد ده
الحما
لا لا ايه الزوق البلدي ده لا انا عايزة اختار لك ده احسن ده هيليق اكتر مش كده برضو يا شريف ولا ايه ما تقول رايك
شريف
والله يا ماما انتي زوقك يجنن الصراحة بس طالما التاني عاجب سارة وهي اختارتة خلاص يبقا هي اللي ادري بقا
الام
نعم نعم يا حبيبي يعني ايه على فكرة بقا انا زوقي احلى منها بكتير مش كده يا نوره تعالي قولي لاخوكي
نورة
طبعا يا ست الكل انتي زوقك احلى بكتير
سارة
بس
انا عجبني ده فعلا يا طنط وانا اختارتة خلاص وكمان لايق عليا
الحما
لا يا حبيبتي انا مرات ابني تلبس اللي على مزاجي انا وانا لما على حاجه لا يبقا هي لا انتي سامعة يلا تعالي يا حبيبتي شوفي لنا ده كده
هيام بصوت واطي
هو في ايه يا اماني ايه دي خناقة ولا ايه
اماني
ده بقا يا هيام الوش بتاع كل عريس وعروسة لازم الحما تكون مش عجبها الفستان اللي العروسة بتختارة تقوم بقا خناقة بين كل الأطراف
هيام
طيب بقولك ايه سبيني انا عليهم وانا هتصرف واحل الموضوع ده
ورحت عليهم ولقيت العروسة بتقول
سارة
انا مش هاخد الا الفستان ده يا شريف انا مش هاخد غيرو
هيام
مساء الخير يا جماعه في ايه يا عروسة انتي زعلانة ليه بس على فكرة بقا الفستان اللي اختارتيه ده لايق عليكي جدا وتحفة بس الفستان اللي اختارتة ست الكل ده هو شيك برضو وكل حاجة وكمان ده أغلى بكتير اوي عن بتاعك
الحما
أغلى ازاى يعني مش فاهمة فرق اد ايه
هيام
هو الفرق بينهم حوالي خمستلاف جنية كده
الحما
نعممم لا يبقا خلاص اللي هي اختارتة حلو مش وحش
وفي اللحظة دي شريف وسارة بصو لبعض وفضل ا يضحكو وبعدها شريف قالي
شريف
انا مش عارف اشكرك ازاى يا انسة والله على فض الاشتباك اللي انتي عملتيه ده انتي تعرفي دي كان ممكن ماما تصمم وتبقى مشكله
هيام
حصل خير يا فندم والف مبروك مقدما وربنا يسعدكم يارب ان شاء الله
وبعدها جابي تليفون من حد وبيقولي ان خالتي دخلت المستشفى ورحت لها بسرعه وقالت لي
الخاله
تعالي يا هيام يا بنتي معقولة اول لما يقولو لك اني تعبانة تيجي بسرعة كده والله فيكي الخير يا بنت سناء الله يرحمها يعني برغم
اللي كنت بعمله معاكي جيتي لي جري
هيام
طبعا يا خالتي انا اجي لك على عنيا هو انا ليا حد غيرك وبعدين ما أنا قولت لك اني ماما وصتني عليكي المهم انتي بس بتدلعي ده الدكتور قالي ان صحتك زي البومب هو بس شوية تعب وهيروحوا لحالهم
سنية
ههههه طول عمرك بكاشة زي امك الله يرحمها يا بت انا عارفه انا عندي ايه اصلي ومش محتاجة انك تضحكي عليا وتقولي كلام تطمنيني بيه انا عارفه ان ايامي معدودة
هيام
متقوليش كده انتي زي الفل طب ده انتي هتخلينا كلنا نروح وانتي اللي تفضلي في الدنيا ان شاء الله تقومي بالسلامة
سنية
يلا بقا حسن الختام يا هيام اسمعي يا بت لما اقولك انا عندي فلوس كتيرة اوي انا كنت بحوش بهيام وكنت ماسكة على الدنيا بس خلاص اديني هاروح اهوه وانا عارفه ان الكفن ملوش جيوب ومش هاخد حاجة معايا عشان كده امسك الورق ده
هيام.
ورق ايه ده يا
خالتي
سنية
ده تنازل ليكي عن البيت
اللي انا قاعده فيه وكمان الفلوس اللي في البنك كلها خليتها باسمك
هيام
طيب وليه كده يا خالتي انتي ان شاء الله هتقومي وتبقي كويسة
سنية
يابت خلاص بقا خودي الورق خليه معاكي وبلاش تقولي لحد بيه دلوقتي ولما اروح ابقي روحي للمحامي بتاعي هو معاه اصل الورق ده وهو هيسلمك كل حاجة
هيام
حاضر يا خالتي المهم بس انتي تقومي بالسلامة
وبعدها قضيت الوقت مع خالتي في المستشفى ورجعت وروحية قالت لية
روحية
هو انا يا بت مش قولت بلاش تتأخري برة لحد متأخر كده ولا انتي غاوية تعب قلب وقلة سمعان للكلام ولا ايه حكايتك بالظبط
هيام
انا كنت عند خالتي أصلها محجوزة في المستشفى وشكلها كده في آخر أيامها
روحية
والله
طيب يا ختي يالف بركة اهي تريح وتستريح الوليه ام لسان طويل دي
هيام
حرام عليكي يا شيخة ده بدال ما تدعي
لها ليه
بس بتقولي كده عليها ده محدش بيشمت في المۏت
روحية
انا بقا