رواية دليل برائتي (كاملة حتي الفصل الاخير) بقلم سارة عادل

اللي لما تتعصب أو تضايق تطلع عصبيتك عليه اولا انا امك متنساش وتاني حاجه أنا عزيزة البدراني بنت جلال البدراني اللي محدش طول عمره قدر يتجرأ ويرفع صوته علينا هيجي حتة عيل انا خلفته يعصي اوامري وكلامي وميحترمنيش يبقي متلزمنيش هنا وروح طلع قلة ادبك دي برا قصري مفهوم كلامي ولا أعيده تاني 
سامر بصلها بخنقة وعينه بتطلع شرارة وقال ببرود لا اتأثرت أنا اوي بكلامك روحي راعي ضميرك الاول وبعدين ابقي كلميني مهما كنت انسان وحش وبعامل
الناس بطريقة مش
كويسة فانتي اوحش بمليون مرة واذيتي كتير وانا مش
هسمحلك تأذي حد يخصني تاني واشبعي بقصرك بس انسي رجعتي هنا تاني 
راشد ببرود بنتك ماتت أو اعتبريها كدا لأن هيا مش هترجع تاني ولا الناس اللي عندهم عايزين حد يعرف عنها حاجه خلاص قلبك ارتاح بقي 
ام روز بدموع انت اييييه بنتي فين قلي وديت بنتي فين ربنا ينتقم منك يا ظالم دي بنت اخوك هتأذيها بايدك حرام عليك 
راشد بزعيق ما خلاص بقي هو كل شوية هنعيد نفس الكلمتين بنتك خلاص بح انسيها دلوقتي ركزي في حياتك وجوزك بقي 
ام روز بغضب بصتله بخنقة وقامت دخلت المطبخ عملت كبايتين عصير وكانت ناوية تسممه بس قالت لنفسها اي يشرين هتبقي قاتلة عشان واحد كلب زي دا فكرت شوية لعند لما أيقنت أنها هتخليه يكره حياته 
روز بدموع انت سيبني ورايح فين وانا هعمل اي هنا استني متسبنيش هنا اس المكان دا 
السواق دي أوامر وانا لازم انفذها 
روز سامر بيه اللي امرك بكدا 
السواق مردش عليها وركب العربية ومشي 
روز قالت بصراخ ارجوك متسبنيش هنا وفضلت تجري ورا العربية لعند لما وقعت قعدت تعيط في مكانها وهيا مش عارفة مصيرها اي وازاي هتطلع من المكان دا 
بصت حواليها للأشجار والكوخ اللي قدامها وقالت بدموع لنفسها أنا فين وازاي هطلع من المكان دا يارب ساعدني 
سامر كان في المستشفي اللي روز فيه وزعق للممرضة اللي كانت موجودة وقال بغضب هيا طلعت راحت فين انتو ازاي غير مسؤولين كدا ومين اخدها 
الممرضه بخوف فيه واحد جه واخدها من تلت ساعات كدا 
سامر بغضب ازاي هو مفيش نظام ازاي تخرج من غير ما اكون موجود وامضي علي خروجها بنفسي أنا مش منبه من امبارح عليكو 
الممرضة بخوف كان معاه ورقة مسؤولية منك علي خروجها واحنا خرجناها معاه مش ذنبنا يا استاذ سامر 
سامر قال جوا نفسه هتروحي مني فين هجيبك يعني هجيبك 
راشد بتعب اااه
بطني انتي حطيتي اي في العصير 
ام روز ببرود سممتك روح الحق نفسك قبل ما تموت 
راشد بخوف وشه جاب الوان وقال بزعيق عايزة تموتيني يا شمس اااه قال بصوت عالي الحقوني وهو حاسس أنه هيغمي عليه كرر زعيقه اكتر من مره لعند لما الجيران اتلمت علي الصوت 
افتحي الباب يام روز اي الصوت دا 
شمس
قامت فتحت الباب وقالت بتمثيل الخوف راشد اخو جوزي واقع جوا وبيتأوي من الوجع وانا مش عارفة اعمل اي 
راشد بزعيق هتموتني حد يلحقني بسرعة ااه 
ووودليل برائتي
روز بصراخ اول ما سمعت صوت حيوان غريب قام تجري وهيا بتعيط وكاتمة بقها عشان صوتها ميجذبش الحيوان عليها فضلت تجري لعند لما وقعت ورجلها اتعورت فضلت تشد نفسها لأقرب شجرة وسندت عليها بصت قدامها بخوف وعيطت بتعب وإرهاق 
عدا ساعه واتنين لعند لما الليل حل عليها وقلبها مكنش مستحمل اي حركه من شدة الخوف اللي هيا فيه قعدت تذكر ربنا وتدعي أن حد يلحقها من المكان دا وبعد شوية غلبها النوم مكانها 
سامر بغضب يعني اي ازاي مش عارفين توصلهولها اتصرفوا وهاتولي الشخص اللي خدها من المستشفي فرغوا الكاميرات كويس اكيد ظاهر في أي كاميرا قدامكو ساعه واحده أنا مش هستني اكتر من كدا
قال كلامه بغضب وراح علي البيت باسرع وقت اول ما دخل قال بصوت عالي عزيزة هانم 
عزيزة كانت في اوضتها قاعدة بكل راحه وبرود أن خطتها مشيت زي ما عايزة اول ما سمعت صوت سامر العالي وشها خد وضعية الغضب قامت من مكانها ومشيت بكل ثقة ليه 
عزيزة ببرود انت ايه اللي جابك هنا تاني 
سامر بغضب أنا هسألك سؤال واحد بس مش هكرره تاني انتي ليكي علاقة باختفاء روز بصلها بترقب وقال بصوت اغلظ اكتر بس قبل ما تجاوبي فكري عشان لو طلع ليكي ايد في الموضوع دا صدقيني مش هيحصل خير 
عزيزة ببرود وثقة لا مليش علاقة اتفضل بقي من غير مطرود وبعد كدا وقت لما تيجي هنا تستأذن وتاخد معاد أنا اقابلك فيه أن وافقت إنما اسلوب الهمجية دا معدش يحصل في قصري مفهوم 
سامر بصلها بشك وقال وفري كلامك لنفسك او لخدمك أنا لو اكتشفت أن ليك ايد في اختفائها صدقيني هبقي كابوسك 
قال كلامه ومشي من غير ما يسمع ردها ودا خلي عزيزة النار تاكل جواها خبطت أيدها علي الطربيزة اللي قدامها بغضب وقالت في نفسها أنا لازم اوقفه عن حده وازاي يرجع يحترمني تاني ويحترم قوانيني انا عارفه مين اللي هيرجعك تاني 
بقلك كانت عايزة تموتني أنا هكدب عليك ليه 
الدكتور بنفاذ صبر وانا بقلك انك مفيش فيك حاجه ولا تسمم ولا حاجه شوية مغص ومكنش
مستدعي دا كله حباية مسكن كانت هتخفف وجهك وخلاص 
راشد بغضب يعني أنا هكدب عليك انت اكيد متفق معاها وعايزين تخلصوا مني 
ام روز بخبث عيب عليك يراشد بقي أنا أعمل فيك كدا وفي ليلة جوازنا كمان اخص عليك مكنش العشم فيك كدا وكفاية بقي الدكتور قلك انك كويس بطل تزعجه ثم توجهت بكلامها للدكتور وقالت بحزن معلش يدكتور هو بس بيجيلو هلاوس بقاله فترة واديك شايف ازاي حالته 
راشد بغضب هلاوس اي يست يخرفانة انتي 
ام روز بمقاطعه اديك شايف يادكتور حالته كل يوم علي كدا وبتزيد سوء وبنجري بيه من دكتور لدكتور بس الظاهر كبر وخلاص خرف وهضطر استحمل كدا عشان جوزي حبيبي 
الدكتور بحزن عليها ربنا يشفيه ويصبرك وخرج برا 
راشد بغضب انتي عملتي التمثيلية دي كلها عشان تبوظي الليلة بس وحياة أمي ما هرحمك ي شرين وبدل الطيبة اللي بعاملك بيها هعاملك اسوء معاملة 
شرين بخبث وتحدي هنشوف 

روز صحيت علي صوت خلي قلبها يقف في مكانه بصت قدامها مهياش شايفة اي حاجه حواليها بس شايفة ضوء القمر غمضت عنيها وفضلت تذكر الله عشان تطمن قلبها وكل مدي الصوت بيعلي اكتر وقلبها بيدق اكتر
روز لنفسها اهدي يروز متخافيش إن شاء الله حد هينقذك من المكان دا فضلت قاعدة بالطريقه دي لعند لما غلبها التعب تاني ونامت 
صحيت علي حلول الصباح قامت وقررت هتمشي لعند لما تقدر توصل لاي مكان يخرجها من المتاهه دي فضلت ماشية لساعات لعند لما لقت كوخ صغير جريت عليه بكل قوتها اللي بتستنفذ من التعب خبطت علي الباب محدش رد فتحته ودخلت ملقتش غير قليل من الأساس قعدت تدور علي اي حاجه تشربها أو تاكلها ملقتش قعدت مكانها من التعب وعيطت بكل قوتها سندت رأسها علي الجدار وفضلت تفكر في اللي مرت بيه الايام اللي فاتت 
روز لنفسها هينقذني ليه دا مفكرني قتلت ابنه انا السبب فعلا أنا لو كنت بصيت كويس كان زمانه لسه عايش 
ريم بتوتر انت متاكد من الكلام دا يعني فيه دليل ولا عشان جارتها اعترفت بس عليها 
اه فيه دليل الكاميرا جايباها بس مجبتش التفاصيل كويس يعني كدا الجريمة مثبوتة عليها مستحيل حد يشك لحظة 
ريم يعني انا مليش أي دعوة بالجريمة دي 
صوت
من وراها جريمة اي اي اللي بتقولي عليها
ووودليل برائتي
انتي قتلتيه لي ابني اذاكي في أي عشان تعملي كدا دا طفل ردي عليا انتي جالك قلب تعملي كدا ازاي
روز ببكاء أنا مقتلتهوش صدقني أنا لا يمكن اعمل كدا 
سامر مسكها من رقبتها وقال بغضب أنا هموتك زي ما موتي ابني يا قاتلة 
روز بخنقة أنا أنا مقتلتهوش صحيت روز بخنقة رهيبة وقلبها بيدق جامد بصت قدامها بعد أن استوعبت أنه حلم عيطت اكتر وباخر قوتها لعند لما أغمي عليها 
سامر بزعيق قوليلي روز فين عملتي فيها أي 
عزيزة ببرود مالك محموق عليها اوي ليه كدا انتي ناسي هيا مين وعملت اي 
سامر بغضب أنا اللي أقرر تفضل ولا تمشي انتي ملكيش دخل باي أمور تخصني أنا وعيلتي قوليلي هيا فين 
عزيزة ببرود متخافش مش هتلحقها زمانها ما تت 
سامر بزعيق انتي عملتي اي أنا اعمل اي دلوقتي حرام عليكي مبقاش فيا طاقة للكلام معاكي لولا أنك امي كنتي هتشوفي مني وش عمرك ما تتمنيه قوليلي هيا فين دلوقتي 
عزيزة ببرود اتفضل دا المكان اللي هيا فيه يدوب تروح تشوفها وهيا ميتة وقتها تحس بعذاب الضمير انك سبتها للوقت دا
قاسم جريمة اي اللي بتتكلمي عليها 
ريم برعب أنا أقصد اني خرجت بالليل من ورا امي مسمياها جريمة يعني 
قاسم بشك ومالك خايفة وانتي بتتكلمي