لقيت ٣توام في بيت مهجور وبعد ٢٠سنه انكشف السر بقلم هويدا زغلول

لقيت ٣ توام في بيت مهجور وبعد ٢٠ سنه انكشف السر
وقبل ما نبدا الحكايه اعرفكم بنفسي
انا رقيه عندي 19 سنه وفي يوم كنت وافقه بروق الشقه ولقيت مرات ابويا بتقولي
دلال
بقولك اي يا بت انتي عايزكي تنزلي تروحي
عند خالتك انهارده ومش تيجي الا لما
اتصل بيكي واقولك ارجعي
رقيه
هو فيه اي بالظبط انا بلاحظ أن الأيام
اللي بيكون بابا فيها بايت في الشغل انتي
بتصممي اروح عند خالتي ليه
دلال
نعم نعم با حبيبتي اي طريقه الكلام اللي بتتكلمي بيها دي يختي وبعدين انا حره شقتي
وانا اعمل فيها اللي انا عايزه انتي سامعه ولا لا
رقيه
ليكي حق تعملي اكتر من كده مش كتبلك البيت ب اسمك وبعدها مشيت وروحت عند خالتي
وشويه وبابا روح البيت
محروس
خير يا حبيبتي اتصلت بيا وقلتيلي اجي بسرعه كده ليه هو في حاجه حصلت ولا ايه
دلال
تعالي شوف بنتك عملت فيا ايه سرقت الذهبي كله وراحت عند خالتها
محروس
ايه الكلام الغريب اللي انتي بتقولي عليه ده وهي دخلت اوضه نومك ازاي
دلال
كنت فوق السطوح يا اخويا بنشر السجاد ونزلت لقيتها لما هدومها وبتقول هروح اقعد عند خالتي يومين هي كل ما انت بتبات بره لازم تعمل كده وما اعرفش هي عملت كده ليه
محروس
بجد متعرفيش انا هعمل فيها اي
والله اصبري عليا
وبعد ساعه لقيت بابا جاي عند خالتي
اعتماد
اي ده محروس من أمتي وانت بتيجي
عندي غريبه يعني
محروس
اه اعمليهم عليا اعمليهم مهو انتي اكيد
متفقه انتي والبت الحراميه اللي جوا
علي كده والله بجد انا غلطان ان كنت ببعتها
عندك
اعتماد
هو فيه اي با اخويا من أمتي وانت بتتكلم معايا كده

مش فاهمه انا هو انا كنت عملت اي
يعني
محروس
هي فين الهانم اللي بتسرقني وتمشي
وبعدها خرجت وقولت
رقيه
ايه الكلام الغريب اللي انت بتقول عليه ده يا بابا هو انت عارف ان انا ممكن اعمل حاجه زي كده
الاب
اخرسي قطع لسانك امال مراتي هتكدب
يعني اللي زيك يخرس خالص
وبعدها دخل جوا وغتح شنطه هدومي وطلع
الدهب
رقيه
يا خبر ابيض اي اللي جاي الدهب هنا مش فاهمه انا والله تلاقي مراتك اللي عامله كده
فيا
الاب
اخرسي بقي هي هتستغني عن الدهب
بتاعها وتخليكي تخدي وتمشي عارفه لو
شوفت وشك في البيت تاني هعمل فيكي
اي
رقيه
هي عملت اللي هي عايزه وبجد منها لله وبعدها
اخد الدهب ومشي
اعتماد
مش فاهمه طيب هو سابك ليا ليه مع السلامه
يا حبيبتي انا مش ناقصه قرف انا كمان
رقيه
معقول يا خالتو انتي بتقولي كده انتي كمان وانتي عارفه ان مليش اي مكان اروح
فيه
اعتماد
اذكان ابوكي مش عايزك انا هعوزك اعمل
بيكي اي ياختي يلا مع السلامه
وبعدها مشيت ومكنش عارفه اروح فين
وروحت بيت مهجور وانا كنت خايفه اوي
وشويه وسمعت صوت عيال عامله تعيط يبص
جنبي لقيت 3 اطفال لسه مولودين
رقيه
يا خبر ابيض مين اللي جابكم هنا
يعني انتو لسه صغيرين خالص وبعدها
اخدهم واقعد
وفي شقه بابا
دلال
شوفت بنتك الحراميه عملت ايه كانت عايزه تاخد دهبي كله
محروس
انا مش عايزك تزعلي يا حبيبه قلبي والله العظيم انا قولتلها ما تجيش هنا تاني
واكيد يعني انا مش هرضي باللي بيحصل ده
دلال
معلش يا حبيبي بقى عطلتلك عن شغلك في اللي حصل ده الله يسامحها علي اللي عملته
محروس
والله كان نفسي اقعد معاكي النهارده بس بجد ورايا شغل كتير قوي وعارفه ان انا لسه فاتح الورشه جديد ولازم اكون موجود
دلال
روح يا حبيب قلبي انا مش عايزاك تشيل همي خالص انا هقفل على نفسي وانام دلوقتي وبعدها نزل وبعد شويه طلع هاني
هاني
معقول الكلام ده انا قولت جوزك اكيد
هيبات انهارده كويس أنه نزل
دلال
مش عايزه رغي كتير بس اي
رايك في اللي عملته
هاني
بجد مش قادر اصدق اللي عملتي ده
بس كويس علشان خاطر البت دي مش بقيت
مرتاح ليها
دلال
امال انا اقول اي بقي انت مش عارف
بعد مش كلمتك قلبي كان بيعمل اي
فلاش باك
دلال
بقولك اي انا خلاص جت ليا فكره حلوه اقفل
بسرعه وبعدها قفل وهي راحت فتحت
الدولاب واخدت الدهب وراحت حطيتهم
في شنطتي وانا في الحمام
باك
هاني
والله بجدي احسن حاجه علشان
خاطر نخلص منها خالص
بجد متعرفيش انا كنت مخنوق منها ازاي
وبعدها فضلت معاه وانا روحت بيت
عرفت ان مطلوب فيه شقه وقابلت صاحب البيت
عبدو
مين العيال اللي معاكي دول
اوعي تكوني عامله مصيبه يا ابنتي انا مش ناقص
رقيه
والله العظيم ابدا ربنا يعلم انا عامله ازاي
وبعدين دول اخواتي اصل اصل بعد ما ماما
توفت بابا اتجوز على طول وجابلنا مرات اب ما تعرفش هي كانت عامله فينا ازاي
عبدو
لا حول ولا قوه الا بالله يا بنتي هو في حد في الدنيا عامل كده معلش المهم هي اوضه صغيره هتقدري تقعدي فيها انتي واخواتك
رقيه
باذن الله والله واوعدك ان انا هشتغل على طول وهسدلك الايجار اول باول
عبدو
اللي اهم من الايجار الاحترام انا عايز ناس كويسه تسكن فيها انا كنت مانع أن حد يقعد فيها
لوحده بس بصراحه شكلك غلبان جدا وصعبتي عليا الاوضه فيها سرير صغير بس ما فيهاش بوتاجاز ولا اي حاجه
رقيه
مش مهم دلوقتي انا هبقى اشتري باذن الله وبعدها اخذت العيال وطلعت فوق وفضلت اقول لهم
رقيه
يا ترى هنعمل ايه انا مش عارفه انتوا عمالين تعيطوا انا حاسه ان انتم جعانين بس انا هعمل ايه والله مش ب ايدي حاجه خالص
وبعدها بغير هدومهم لقيت جواب مكتوب فيه
الجواب
انا عارفه ان انا ام قاسيه بس انا غصب عني مش هينفع ان انا اربي العيال دول اي حد يلاقيهم يا ريت يوديهم ملجا او يخلي باله منهم
رقيه
بجد معقول حد يعمل كده في ضانا شويه
ولقيت الباب بيخبط وفتحت
هانم مرات صاحب البيت وكانت شايله صنيه اكل
هانم
ازيك يا حبيبتي عامله ايه عمك عبده جالي وقالي على ظروفك وانا قلت اجيبلك لقمه تاكليها
بسم الله ماشاء الله اخواتك دول شكلهم حلو قوي
رقيه
ربنا يخليك والله بجد مش عارفه اشكرك ازاي على اللي انت عملتيه
هانم
عملت ايه يا حبيبتي ده انا بعت كمان اجيبلك لبن علشان خاطر تاكلي اخواتك
رقيه
معقول الكلام ده انا مش عاوزاكم تشيلو همي كفايه ان انا المفروض ادفع ليكم مقدم بس والله من بكره هنزل اشوف بس المشكله هسيب الولاد فين
هانم
متشغليش بالك يا بنتي ولو علي اخواتك انا هشيلهم في عيني متقلقيش عليهم هيبقو في عيني واكتر كمان
رقيه
معقول الكلام دا انا مش مصدقه والله ان لسه في ناس كويسه لحد دلوقتي
انا مش عارفه اقولك اي والله
هانم
متقوليش حاجة وانا من النهارده زي امهم وعبده زي ابوهم وكان ربنا مش رايد لينا ان احنا نخلف علشان نخلي بالنا من الاخواتك وعرفت ان ربنا كان ليه حكمه في كده
وفي الوقت ده بابا بوصل البيت 
دلال
اي ده
دلال بخوف
محروس اي الي جابك دلوقتي مش كنت بتقول ان انت مش هترجع وهتبات في الورشه